UQK 10 sáýirde Qyrǵyzstanda óli tabylǵan sarbaz Ulyqbek Berdishovti izdestirý jumystaryna qatysty qosymsha aqparatty bólisti, - dep habarlaidy "Ult aqparat".
Komitettiń málimetinshe, joǵalǵan sátten bastap Jambyl, Qyzylorda jáne Almaty oblystary aýmaǵynda, onyń ishinde Berdishovtyń týystarymen birlese úzdiksiz izdeý is-sharalary júrgizilgen.
Sonymen qatar memlekettik shekarany yqtimal kesip ótýin tekserý úshin Qyrǵyzstannyń shekara vedomstvosy habardar etilgen.
"9 sáýirde Qyrǵyzstan Respýblikasynyńshekarashylary shekara syzyǵynan 2 shaqyrym jerde qalǵan áskeri kiim úlgisiniń elementteri tabylǵany týraly habarlady. 10 sáýirde ShQ Jambyl oblysy boiynsha departamentiniń bastamasymen zattar tabylǵan oryndy qaraý úshin shekara ókildigimen kezdesý uiymdastyrylyp, onyń barysynda Berdishovtyń máiiti tabyldy", - delingen habarlamada.
Osy fakt boiynsha Qyrǵyz Respýblikasy Shý oblysy Panfilov aýdanynyń AIIB tergeý is-sharalaryn bastaǵan. Aldyn ala diagnoz: mehanikalyq asfiksiia, zorlyq-zombylyq áreket belgileri joq.
"11 sáýirde Shekara qyzmeti máiitti ata-anasynyń turǵylyqty jeri boiynsha Qyzylorda oblysyna jetkizýdi uiymdastyrdy.
Ulttyq qaýipsizdik organdarynyń basshylyǵy men jeke quramy Berdishovtyń týǵandary men jaqyndaryna qaiǵyryp kóńil aitady. Qazirgi ýaqytta Shekara qyzmeti olarǵa barlyq jaǵynan, onyń ishinde jerleý is-sharalaryn uiymdastyrý boiynsha qajetti qoldaý kórsetip jatyr", - delingen habarlamada.
