QR Ulttyq qaýipsizdik komiteti ókilderi "Aǵaiyndy tórteý" uiymdasqan qylmystyq tobynyń lideri delingen Erkin Izbasardyń ýaqytsha ustaý izoliatorynda óz-ózine soqqy jasaǵany kórsetilgen videony jariialady, - dep habarlaidy kaz.tengrinews.kz tilshisi. Aita keteiik, Izbasar Aqtóbede munai urlady dep aiyptalyp jatyr.
"2016 jyldyń 9 jeltoqsanynda kriminalistikalyq saraptama ótkizý úshin kúdiktiniń saýsaq izderin alýǵa qaýly shyǵaryldy. Qaýlymen tanysqannan keiin Izbasar advokattyń kózinshe bul protsedýradan ótýden bas tartty. QR QPK-ǵa sáikes, qajetti úlgilerdi májbúrli túrde alýǵa qaýly shyǵaryldy. Bul mindet Aqtóbe oblystyq jazany Aqtóbe oblystyq qylmystyq-atqarý júiesi departamentiniń KA-168/1 mekemesi qyzmetkerlerine tapsyryldy", - dep habarlady QR UQK ókilderi.
Videony UQK ókilderi Tengrinews.kz redaktsiiasynyń resmi saýalyna bergen jaýabynda usyndy
UQK málimetinshe, mekeme qyzmetkerleri saýsaq izderin alyp jatqan kezde Erkin Izbasar ózin-ózi uryp-soqqan.
"12 jeltoqsanda KA-168/1 qyzmetkerleri saýsaq izderip alyp jatqan kezde Izbasar qarsylyq tanytyp, osydan keiin ózine dene jaraqatyn saldy. Osyǵan bailanysty Aqtóbe qalalyq IIB Sazdy aýdandyq politsiiasynyń kezekshi jasaǵy shaqyrtylyp, bul derek sotqa deiingi tergeýlerdiń biryńǵai reestrinde "Bilik ókiline baǵynbaý" baby boiynsha tirkeldi", - dedi QR UQK baspasóz qyzmetindegiler Tengrinews.kz redaktsiiasynyń resmi saýalyna bergen jaýabynda.
Eske salaiyq, Erkin Izbasar Aqtóbedegi munai bazasynyń territoriiasynda iri arnaiy operatsiia júrgen kúni Almatyda ustalǵan bolatyn. Uiymdasqan qylmystyq toptyń liderimen birge onyń oqqaǵary men júrgizýshisi ustalǵan edi.
