قر ۇلتتىق قاۋٸپسٸزدٸك كوميتەتٸ ٶكٸلدەرٸ "اعايىندى تٶرتەۋ" ۇيىمداسقان قىلمىستىق توبىنىڭ ليدەرٸ دەلٸنگەن ەركٸن ٸزباساردىڭ ۋاقىتشا ۇستاۋ يزولياتورىندا ٶز-ٶزٸنە سوققى جاساعانى كٶرسەتٸلگەن ۆيدەونى جارييالادى, - دەپ حابارلايدى kaz.tengrinews.kz تٸلشٸسٸ. ايتا كەتەيٸك, ٸزباسار اقتٶبەدە مۇناي ۇرلادى دەپ ايىپتالىپ جاتىر.
"2016 جىلدىڭ 9 جەلتوقسانىندا كريميناليستيكالىق ساراپتاما ٶتكٸزۋ ٷشٸن كٷدٸكتٸنٸڭ ساۋساق ٸزدەرٸن الۋعا قاۋلى شىعارىلدى. قاۋلىمەن تانىسقاننان كەيٸن ٸزباسار ادۆوكاتتىڭ كٶزٸنشە بۇل پروتسەدۋرادان ٶتۋدەن باس تارتتى. قر قپك-عا سەيكەس, قاجەتتٸ ٷلگٸلەردٸ مەجبٷرلٸ تٷردە الۋعا قاۋلى شىعارىلدى. بۇل مٸندەت اقتٶبە وبلىستىق جازانى اقتٶبە وبلىستىق قىلمىستىق-اتقارۋ جٷيەسٸ دەپارتامەنتٸنٸڭ كا-168/1 مەكەمەسٸ قىزمەتكەرلەرٸنە تاپسىرىلدى", - دەپ حابارلادى قر ۇقك ٶكٸلدەرٸ.
ۆيدەونى ۇقك ٶكٸلدەرٸ Tengrinews.kz رەداكتسيياسىنىڭ رەسمي ساۋالىنا بەرگەن جاۋابىندا ۇسىندى
ۇقك مەلٸمەتٸنشە, مەكەمە قىزمەتكەرلەرٸ ساۋساق ٸزدەرٸن الىپ جاتقان كەزدە ەركٸن ٸزباسار ٶزٸن-ٶزٸ ۇرىپ-سوققان.
"12 جەلتوقساندا كا-168/1 قىزمەتكەرلەرٸ ساۋساق ٸزدەرٸپ الىپ جاتقان كەزدە ٸزباسار قارسىلىق تانىتىپ, وسىدان كەيٸن ٶزٸنە دەنە جاراقاتىن سالدى. وسىعان بايلانىستى اقتٶبە قالالىق ٸٸب سازدى اۋداندىق پوليتسيياسىنىڭ كەزەكشٸ جاساعى شاقىرتىلىپ, بۇل دەرەك سوتقا دەيٸنگٸ تەرگەۋلەردٸڭ بٸرىڭعاي رەەسترٸندە "بيلٸك ٶكٸلٸنە باعىنباۋ" بابى بويىنشا تٸركەلدٸ", - دەدٸ قر ۇقك باسپاسٶز قىزمەتٸندەگٸلەر Tengrinews.kz رەداكتسيياسىنىڭ رەسمي ساۋالىنا بەرگەن جاۋابىندا.
ەسكە سالايىق, ەركٸن ٸزباسار اقتٶبەدەگٸ مۇناي بازاسىنىڭ تەرريتوريياسىندا ٸرٸ ارنايى وپەراتسييا جٷرگەن كٷنٸ الماتىدا ۇستالعان بولاتىن. ۇيىمداسقان قىلمىستىق توپتىڭ ليدەرٸمەن بٸرگە ونىڭ وققاعارى مەن جٷرگٸزۋشٸسٸ ۇستالعان ەدٸ.
