UQK basshysy Vladimir Jumaqanov Almaty oblysynda ustalǵan azamattardyń salafit aǵymyn ustanatynyn málimdedi, - dep habarlaidy kaz.tengrinews.kz tilshisi.
"Tórt azamat ustaldy, olardyń bireýi Qyrǵyzstan azamaty. Olarǵa qatysty qylmystyq is qozǵaldy. Barlyǵy qamaýǵa alynyp, qazirgi ýaqytta tergeý jumystary júrgizilip jatyr. (...) Olar salafit aǵymyn ustanady", - dep málimdedi Vladimir Jumaqanov.
Sonymen qatar, QR UQK basshysy dini aǵymdarǵa tyiym salý jaiyndaǵy suraqtarǵa jaýap berdi. "Bul másele qaralyp jatyr. Dini aǵymdardy jaqtaýshylar siiaqty, oǵan qarsy adamdar da bar. Sondyqtan buǵan tyiym salý qiyn bolyp tur. Bizde 2011 jyldan beri bolyp jatqan barlyq oqiǵa osy dini aǵymdarǵa bailanysty. Sondyqtan da osyndai usynystar bolyp jatyr. Menińshe, jýyq arada bul másele eń joǵary deńgeide qarastyrylatyn bolady. (...) Bul másele biliktegilerge de qatysty. Sondyqtan bul suraqty qarastyramyz. Jaqynda Memleket basshysy da, Qaýipsizdik keńesindegiler de osy máseleni qaraityn bolady. Barlyǵy sheshiledi", - dedi UQK basshysy.
Osyǵan deiin Almaty oblysynda radikaldy toptyń tórt múshesiustalǵany jaily aitylǵan bolatyn. Olar Qazaqstan aýmaǵynda terroristik áreket jasaýdy josparlaǵan.
Arnaiy operatsiia 2016 jyldyń18 tamyzynda Almaty oblysynda júrgizilgen. "Ulttyq qaýipsizdik komitetiniń qyzmetkerleri Qazaqstan aýmaǵynda terroristik aktiler seriiasyn josparlaǵan radikaldy toptyń 4 múshesin ustaý boiynsha arnaiy operatsiia júrgizdi. Qazaqstan jáne Qyrǵyzstan azamattary bolyp tabylatyn topqa qatysýshy ustalǵandardan, olardyń turǵan jerinde arnaiy salynǵan qupiia orynnan qoldan isteletin jarylǵysh qurylǵylardy daiyndaýǵa arnalǵan quraýyshtar, dini-ekstremistik materialdar alyndy", - delingen UQK baspasóz habarlamasynda.
