ۇقك باسشىسى ۆلاديمير جۇماقانوۆ الماتى وبلىسىندا ۇستالعان ازاماتتاردىڭ سالافيت اعىمىن ۇستاناتىنىن مەلٸمدەدٸ, - دەپ حابارلايدى kaz.tengrinews.kz تٸلشٸسٸ.
"تٶرت ازامات ۇستالدى, ولاردىڭ بٸرەۋٸ قىرعىزستان ازاماتى. ولارعا قاتىستى قىلمىستىق ٸس قوزعالدى. بارلىعى قاماۋعا الىنىپ, قازٸرگٸ ۋاقىتتا تەرگەۋ جۇمىستارى جٷرگٸزٸلٸپ جاتىر. (...) ولار سالافيت اعىمىن ۇستانادى", - دەپ مەلٸمدەدٸ ۆلاديمير جۇماقانوۆ.
سونىمەن قاتار, قر ۇقك باسشىسى دٸني اعىمدارعا تىيىم سالۋ جايىنداعى سۇراقتارعا جاۋاپ بەردٸ. "بۇل مەسەلە قارالىپ جاتىر. دٸني اعىمداردى جاقتاۋشىلار سيياقتى, وعان قارسى ادامدار دا بار. سوندىقتان بۇعان تىيىم سالۋ قيىن بولىپ تۇر. بٸزدە 2011 جىلدان بەرٸ بولىپ جاتقان بارلىق وقيعا وسى دٸني اعىمدارعا بايلانىستى. سوندىقتان دا وسىنداي ۇسىنىستار بولىپ جاتىر. مەنٸڭشە, جۋىق ارادا بۇل مەسەلە ەڭ جوعارى دەڭگەيدە قاراستىرىلاتىن بولادى. (...) بۇل مەسەلە بيلٸكتەگٸلەرگە دە قاتىستى. سوندىقتان بۇل سۇراقتى قاراستىرامىز. جاقىندا مەملەكەت باسشىسى دا, قاۋٸپسٸزدٸك كەڭەسٸندەگٸلەر دە وسى مەسەلەنٸ قارايتىن بولادى. بارلىعى شەشٸلەدٸ", - دەدٸ ۇقك باسشىسى.
وسىعان دەيٸن الماتى وبلىسىندا راديكالدى توپتىڭ تٶرت مٷشەسٸۇستالعانى جايلى ايتىلعان بولاتىن. ولار قازاقستان اۋماعىندا تەرروريستٸك ەرەكەت جاساۋدى جوسپارلاعان.
ارنايى وپەراتسييا 2016 جىلدىڭ18 تامىزىندا الماتى وبلىسىندا جٷرگٸزٸلگەن. "ۇلتتىق قاۋٸپسٸزدٸك كوميتەتٸنٸڭ قىزمەتكەرلەرٸ قازاقستان اۋماعىندا تەرروريستٸك اكتٸلەر سەريياسىن جوسپارلاعان راديكالدى توپتىڭ 4 مٷشەسٸن ۇستاۋ بويىنشا ارنايى وپەراتسييا جٷرگٸزدٸ. قازاقستان جەنە قىرعىزستان ازاماتتارى بولىپ تابىلاتىن توپقا قاتىسۋشى ۇستالعانداردان, ولاردىڭ تۇرعان جەرٸندە ارنايى سالىنعان قۇپييا ورىننان قولدان ٸستەلەتٸن جارىلعىش قۇرىلعىلاردى دايىنداۋعا ارنالعان قۇراۋىشتار, دٸني-ەكسترەميستٸك ماتەريالدار الىندى", - دەلٸنگەن ۇقك باسپاسٶز حابارلاماسىندا.
