Ulttyq qaýipsizdik komiteti Almaty, Shymkent jáne Qyzylorda qalalarynda atys qarýyn zańsyz satýmen ainalysqan qylmystyq toptardy ustady, dep habarlaidy komitettiń baspasóz qyzmeti.
Jasyryn tergeý barysynda 8 Kalashnikov avtomaty jáne 2 tapanshany satý faktileri anyqtaldy. Bul qarý zańda belgilengen tártippen tárkilengen.
"2019 jyldyń 18 jáne 19 shildecinde Almaty jáne Shymkent qalalarynda top múshelerin ustaý boiynsha arnaiy operatsiia ótkizildi. Olardyń keibiri destrýktivti dini aǵymdardy ustanýshy jáne "urylar qaýymdastyǵy" ókilderimen turaqty bailanysy bar adamdar", - dep habarlady UQK.
Kúdiktilerdiń biriniń turǵylyqty jerin tintý barysynda qarýdy qurastyrýǵa jáne qaita jasaýǵa arnalǵan stanok pen qural-saimandar tabylǵan.
"Qabyldanǵan sharalardyń nátijesinde Qazaqstan aýmaǵyna qarý ákeletin kezekti iri arna joiyldy. Ustalǵan adamdar buryn satqan kriminaldyq qarýdy zańsyz ainalymnan alý boiynsha is-sharalar júrgizilýde", - dedi komitettegiler.
