Siriiada DAISh-tyń jasaǵynda bolǵan 14 azamatqa qatysty qylmystyq isti tergeý aiaqtaldy, dep habarlaidy "Ult aqparat" UQK baspasóz qyzmetine silteme jasap.
Ulttyq qaýipsizdik komiteti ózge memlekettik organdarmen jáne shetel seriktesterimen birlesip, «Jýsan» operatsiiasy sheńberinde Siriiadan 595 Qazaqstan azamatyn qaitardy, onyń arasynda tórt júzden astamy bala.
Qaitarylǵan adamdardyń ishinde 10 er adam men 5 áiel Qazaqstanda tyiym salynǵan DAISh halyqaralyq terroristik uiymynyń áreketine qatysý faktisi boiynsha sot úkimimen ártúrli merzimge bas bostandyǵynan aiyrylǵan.
«Tergeý nusqasy boiynsha Siriia jaǵdaiynda DAISh-tyń bir jasaǵynda bolǵan taǵy da 14 azamatqa qatysty qylmystyq isti tergeý aiaqtaldy.
Olarǵa terroristik áreketke qatysty, áreketke tartty jáne terrorizmdi nasihattady, sondai-aq ózge de aýyr qylmystar jasady degen aiyp taǵyldy», delingen habarlamada.
Baspasóz qyzmetiniń málimetinshe, qylmystyq is materialdary Nur-Sultan qalasynyń mamandandyrylǵan aýdanaralyq qylmystyq ister boiynsha sotyna berildi.
