Memleket basshysy Qasym-Jomart Toqaev Úkimettik komissiia qabyldaǵan barlyq is-áreketke qaramastan, qazaqstandyqtar arasynda indetke shaldyǵý oqiǵalary azaimai otyrǵanyn málim etti. Bul týraly Prezident Twitter-de jazdy, dep habarlaidy "Ult aqparat".
«Úkimettik komissiianyń barlyq is-áreketine qaramastan indetke shaldyqqan azamattarymyz azaimai otyr. Koronavirýstyń ekinshi tolqynynyń qaýpi seiilmegenin DDSU da rastady.
Otandastarymyzdy jappai aýrýǵa shaldyǵýdan qashyp, indetten qorǵanýdyń joldaryn (araqashyqtyqty saqtaý, dezinfektsiia, jeke tazalyq, betperde kiiý) ustanýǵa taǵy da shaqyramyn», - dedi QR Prezidenti.
Aita keteiik, sońǵy málimet boiynsha, elimizde koronavirýs indetine shaldyqqandardyń jalpy sany 11 796-ǵa jetti. Onyń ishinde 6240 adam syrqattan jazylsa, 48 naýqas qaitys boldy.
