Úkimettik emes sektor áleýmettik máselelerdi sheshýde memlekettiń mańyzdy seriktesi sanalady. Mundai pikirdi QR Aqparat jáne qoǵamdyq damý ministrligi Azamattyq qoǵam isteri komitetiniń tóraǵasy Madiiar Qojahmet bildirdi, dep habarlaidy QazAqparat.
«Memleket basshysy aldymyzǵa bilikke halyqtyń senim deńgeiin arttyrý jáne halyq úninen qulaq asatyn memlekettik damytý mindetin júktegenin bilesizder. Taiaýda Prezident Qazaqstan halqyna Joldaýynda azamattyq qoǵammen syndarlyq dialogty damytý men jetildirý jáne áleýmettik saladaǵy problemalardy sheshý mańyzdylyǵyn atap ótti. Bul baǵytta birneshe mańyzdy bastama, onyń ishinde qoǵamdyq keńester týraly, qoǵamdyq baqylaý týraly zańdar qabyldaý usynyldy. Osyǵan orai úkimettik emes sektor áleýmettik máselelerdi sheshýde jáne azamattyq bastamalardy ońtailandyrýda memlekettiń mańyzdy seriktesi sanalady», - dedi ol «Damý tarihy: ishtei kózqaras» atty 11-shi jyl saiynǵy halyqaralyq konferentsiiasynda.
Onyń paiymynsha, qoǵamdyq uiymdardyń róli bul baǵyttaǵy túrli mindetterdi sheshýde ajyramas bólikke ainalyp otyr. Aitalyq, koronavirýs indeti kezeńinde azamattyq qoǵam memleketke kómek kórsetýde basty rólge ie boldy jáne olardyń jedel qashýda qajet etildi.
«Óz kezeginde, úkimettik emes sektor áleýetin pash etip, áleýmettik máselelerdi sheshýge belsene qatysty. Úkimettiń emes uiymdardyń mundai reaktsiiasy olardyń damýǵa, jańa tásilderdi synap kórýge, qoǵam igiligi úshin áleýmettik bastamalardy engizýge daiyn ekendigin bildiredi. Bul rette Azamattyq qoǵamdyq damytý qaýymdastyǵy úlgi bola alady. Ol Úkimettik emes uiymdar qoǵamda álemdik innovatsiialyq tájiribelerdi engize bastaidy degen ideiany ilip áketti. Bul qoǵamnyń ál-aýqatyn qalyptastyrý protsesinde óte mańyzdy. Jyl saiyn halyqaralyq uiym ókilderiniń qatysýymen úkimettik emes sektorǵa innovatsiialyq tásilderdi engizý máselesi kóteriledi. Olar Úkimettik emes uiymdarǵa ózderiniń airyqsha tiimdiligin kórsetýi úshin belgili bir jeli qalyptastyrady», - dedi Madiiar Qojahmet.
