Úkimet úiinde QR Premer-Ministriniń orynbasary Berdibek Saparbaevtyń tóraǵalyǵymen zeinetaqy júiesin odan ári jetildirý boiynsha jumys tobynyń kezekti otyrysy ótti, dep habarlaidy "Ult aqparat" primeminister.kz-ke silteme jasap.
Aita keteiik, Memleket basshysy Qasym-Jomart Toqaev Qazaqstan halqyna arnaǵan «Syndarly qoǵamdyq dialog – Qazaqstannyń turaqtylyǵy men órkendeýiniń negizi» Joldaýynda Úkimetke jumys isteitin azamattarǵa ózderiniń zeinetaqy jinaqtarynyń bir bóligin maqsatty paidalaný máselesin pysyqtaýdy tapsyrǵan edi.
Otyrysqa QR eńbek jáne halyqty áleýmettik qorǵaý ministri Birjan Nurymbetov, QR bilim jáne ǵylym ministri Ashat Aimaǵambetov, Senat depýtaty Murat Baqtiiaruly, Ulttyq bank tóraǵasynyń orynbasary Esjan Birtanov, «Atameken» UKP basqarma tóraǵasynyń orynbasary Iýliia Iakýpbaeva, memlekettik organdar men úkimettik emes uiymdardyń ókilderi qatysty.
Budan ózge, jumys tobynyń quramyna «Qazaqstan qarjygerleriniń qaýymdastyǵy» ZTB keńesiniń tóraiymy Elena Bahmýtova, «TALAP» qoldanbaly zertteýler ortalyǵy» QQ direktory Rahym Oshaqbaev, «First Heartland Jysan Bank» AQ direktorlar keńesiniń múshesi Bolat Jámishev, «KMG Injiniring» JShS bas direktorynyń keńesshisi Jaqsybek Kúlekeev, sonymen qatar, basqa da sarapshylar men qoǵam qairatkerleri kiredi.
Otyrys barysynda «BJZQ» AQ basqarma tóraǵasy Janat Qurmanov Qazaqstandaǵy zeinetaqy júiesin damytýdyń keshendi taldamasy boiynsha aktýarlyq esep aiyrysý júrgizý nátijelerimen tanystyrdy.
Boǵan qosa, qartaiýyna bailanysty eńbekke qabiletti halyqqa túsetin júktemeniń ulǵaiýy jaǵdaiynda úlestirý tipi júiesinen jinaqtaýshy zeinetaqy júiesine kóshýdiń jahandyq betalystary baiqalady.
Eńbek jáne halyqty áleýmettik qorǵaý ministri Birjan Nurymbetov jumys tobyna turǵyn úi men bilim alý úshin zeinetaqy jinaqtarynyń bir bóligin maqsatty paidalaný boiynsha usynystaryn usyndy.
Mindetti áleýmettik tólemderdi ýaqytyly ári tolyq tóleýge baqylaýdy kúsheitý boiynsha qabyldanyp jatqan sharalar týraly Qarjy ministriliginiń Memlekettik kirister komiteti tóraǵasynyń orynbasary Talǵat Mamaev aityp berdi.
Otyrys kezinde atalǵan máseleler boiynsha syndarly talqylaý bolyp, tiisti usynystar berildi.
Osy jyldyń sońyna deiin jumys toby uzaqmerzimdi aktýarlyq modelderdi qurý negizinde zeinetaqy júiesin odan ári jetildirý boiynsha usynystar ázirleidi.
