QR Premer-Ministri Asqar Mamin QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) selektorlyq otyrysyn ótkizdi, dep habarlaidy primeminister.kz.
"Erte vaktsinatsiialaý, jappai maska taǵý rejimin jáne ara qashyqtyqty saqtaý sharalarynyń arqasynda biyl kúzde halyqtyń pnevmoniiamen jáne JRVI-men syrqattanýshylyǵy turaqty tómendeý dinamikasyna ie. Mysaly, tek qazan aiynda osy jyldyń qyrkúiek aiymen salystyrǵanda, pnevmoniiamen aýyrǵandar sany 26%-ǵa, 24,8 myńnan 18,3 myńǵa deiin azaidy, al jiti respiratorlyq virýstyq infektsiiamen aýyrǵandar 7,6%-ǵa, 286,8 myńnan 265,3 myń adamǵa deiin azaiǵan" delingen habarlamada.
Resmi málimetke sáikes, tken jylmen salystyrǵanda JRVI-men aýyrý 1,7 ese – 2019 j. qazandaǵy 441,2 myńnan biyl qazanda 265,3 myńǵa deiin tómendedi. Sonymen qatar barlyq óńirde COVID-19-ben aýyrý jaǵdailarynyń artqany baiqalady.
Virýstyń reprodýktivtik indeksi respýblika boiynsha – 1,2, infektsiialyq tósek oryndarynyń toltyrylýy 21%, reanimatsiialyq tósek oryndarynyń júktemeligi 17% quraidy. Shyǵys Qazaqstan jáne Pavlodar oblystary — qyzyl aimaqta, Batys Qazaqstan, Qostanai, Aqmola jáne Soltústik Qazaqstan oblystary — sary aimaqta. Premer-Ministr qyzyl jáne sary aimaqtardaǵy óńirlerdiń ákimderine jaǵdaidy turaqtandyrý boiynsha qosymsha sharalar qabyldap, máseleni erekshe baqylaýda ustaýdy tapsyrdy.
Densaýlyq saqtaý ministrligine: Barlyq meditsinalyq qyzmetterdiń ortalyq jáne óńirlik deńgeide syrqattanýshylyqtyń yqtimal ósý jaǵdaiyna tolyq daiyndyǵyn qamtamasyz etý; Halyqpen shekteý sharalaryn saqtaý jóninde túsindirý jumystaryn turaqty negizde júrgizý; Shekara qyzmetimen, óńirlerdiń ákimdikterimen birlesip, sheteldikterge Qazaqstanǵa kirý úshin beriletin densaýlyq saqtaý uiymdarynyń shaqyrý qujattaryna baqylaýdy kúsheitý; Ádilet ministrligimen, ákimdiktermen birlesip, QR aýmaǵynda emdelý úshin shetel azamattaryna shaqyrý berýge ýákiletti, óńirlerdegi densaýlyq saqtaý uiymdarynyń tizbesin aiqyndaý tapsyryldy.
Ishki ister ministrligine halyq pen biznes sýbektileriniń shekteý jáne karantin sharalaryn saqtaýyn baqylaý jónindegi monitoringtik toptardyń jumysyn kúsheitý tapsyryldy (biylǵy 17 tamyzdan bastap elimizde 41 myń reidtik tekserý júrgizildi, 8,7 myń karantindi buzý faktisi anyqtaldy).
Jiynda sanitarlyq-epidemiologiialyq ahýal men qabyldanyp jatqan sharalar týraly densaýlyq saqtaý ministri A. Tsoi, sanitarlyq talaptardyń saqtalýyn baqylaý týraly ishki ister ministri E. Turǵymbaev, PTR-diagnostikalaý men jeke qorǵanysh quraldarynyń baǵa saiasatyna monitoring júrgizý jumysy boiynsha Básekelestikti qorǵaý jáne damytý agenttiginiń tóraǵasy S. Jumanǵarin, turǵyndarmen aqparattyq-túsindirý jumystaryn júrgizý týraly aqparat jáne qoǵamdyq damý ministri A. Balaeva, óńirlerdegi ahýal týraly Qostanai oblysynyń ákimi A. Muhambetov, Batys Qazaqstan oblysynyń ákimi Ǵ. Esqaliev, Aqmola oblysynyń ákimi E. Marjyqpaev baiandady.
