Búgin QR Úkimetinde QR Premer-Ministriniń Birinshi Orynbasary A. Maminniń tóraǵalyǵymen Tótenshe jaǵdailardy eskertý jáne joiý jónindegi vedomstvoaralyq memlekettik komissiia otyrysy ótti, dep jazady primeminister.kz.
Otyrys barysynda elimizdiń turǵyn úi sektorynda órt qaýipsizdigin odan ári qamtamasyz etý sharalary qaraldy.
Otyrysqa Komissiia músheleri, memlekettik organdardyń basshylary qatysty. Sharaǵa beinekonferentsiia bailanysy arqyly oblystardyń, respýblikalyq mańyzy bar qalalardyń ákimderiniń orynbasarlary, tótenshe jaǵdailar jónindegi departamentterdiń basshylary qatysty.
Premer-Ministrdiń biyl 5 aqpanda QR Úkimetiniń otyrysynda bergen tapsyrmalaryn oryndaý aiasynda QR Ishki ister ministrliginiń Tótenshe jaǵdailar komitetiniń bólimsheleri respýblikalyq jáne óńirlik deńgeilerde órttiń aldyn alý jumystaryn uiymdastyrý jónindegi shtabtar qurý jumystaryn bastady.
Jylytý kezeńiniń sońyna deiin turǵyn úi sektoryndaǵy órtterdi boldyrmaý boiynsha aldyn alý is-sharalaryn iske asyrý jumystary jalǵasady. Budan bózge, kúndelikti ómirde órt qaýipsizdigi salasyndaǵy bilimi bar azamattardyń sanyn arttyrý, sondai-aq túsindirý jumystarynyń sapasyn jaqsartý boiynsha qosymsha sharalardy iske asyrý josparlanyp otyr.
