Búgin QR Premer-Ministri Asqar Mamin Úkimet múshelerimen jáne óńirler ákimderimen keńes ótkizdi, dep habarlaidy Úkimettiń baspasóz qyzmeti.
Jiyn barysynda Prezident Qasym-Jomart Toqaevtyń Qazaqstan halqyna arnaǵan «Syndarly qoǵamdyq dialog – Qazaqstannyń turaqtylyǵy men órkendeýiniń negizi» Joldaýynyń basty baǵyttary qaraldy.
Memleket basshysynyń Úkimettiń aldyna naqty mindetter qoiǵany aityldy, olardyń sheshilýi ekonomikanyń odan ári ósýine, Tuńǵysh Prezident – Elbasy N.Á. Nazarbaevtyń strategiialyq baǵyttarynyń negizinde bizdiń elimizdiń azamattarynyń ómir súrý sapasyn jaqsartýǵa yqpalyn tigizetin bolady.
Memleket basshysynyń tikelei sheteldik investitsiialardy tartý, óńirlerdi damytý jáne ataýly áleýmettik kómek kórsetý boiynsha qoiǵan mindetterin sheshýdiń mańyzdylyǵyna erekshe kóńil bólindi.
Memleket basshysynyń Joldaýyn iske asyrý boiynsha naqty sharalarǵa erteńgi Úkimet otyrysy arnalatyn bolady.
