Búgin QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda Qazaqstanda elektrondy bilim berýdi damytý máseleleri qaraldy.
Bilim jáne ǵylym ministri Erlan Saǵadiev búgingi tańda tujyrymdamalyq túrde bilim berý júiesi negizgi úsh baǵyt boiynsha júrgizilýde: bilim berý úderisin tsifrlandyrý, tsifrlyq bilim berý kontenti, bilim berýdi basqarýdy tsifrlandyrý.
Orta bilim berýdegi oqý úderisin avtomattandyrý úshin elektrondy jýrnaldar júiesi paidalanylýda. Elektrondy jýrnaldardy engizgen mektepterde qaǵaz túrindegisin qoldanýǵa tyiym salynady. Ázirleýshilerdiń pikirinshe, bul qosarlanýshylyqty toqtatady jáne eseptilikti aitarlyqtai qysqartady.
Joǵary bilim berýde «Joǵary bilimdi basqarýdyń biryńǵai júiesi» jumys jasaidy, ol aqparattyq júielerdi yqpaldastyrýdyń kómegimen tolyǵady, osylaisha árbir oqýshynyń mártebesi boiynsha ózekti málimetterdi árdaiym kórýge múmkindik beredi. Ǵylym salasynda barlyq ǵylymi granttarǵa ótinim berý, esepter qabyldaý, maqalalardy esepke alý, elektrondy meken-jailar bazasy tsifrlandyryldy.
Ekinshi baǵyt – tsifrlyq bilim berý kontenti boiynsha mektepter úshin úsh tilde 80 myń beinefilm men interaktivti sabaqtar engizildi, olar muǵalimge sabaqty áldeqaida joǵary deńgeide júrgizýge kómektesedi. Biyl 7 082 mektep atalǵan tsifrlyq resýrstarǵa qoljetimdi boldy.
Atalǵan tsifrlyq resýrstar onlain jáne offlain rejimderde qoljetimdi, iaǵni muǵalim – pándi júrgizýshi daiyn beinematerialdy alyp, ony sabaq barysynda oqý materialyn túsindirý nemese bekitý úshin paidalanady. Muǵalimge endi sabaqtarǵa qosymsha material izdeýdiń qajeti joq.
Úshinshi baǵyt – bilim berýdi basqarýdy tsifrlandyrý – basqarýdyń biryńǵai júiesin qurýdy qarastyrady, oǵan barlyq bilim berýdiń málimetter bazalary negizinde Big Data qurý engiziledi.
«Osyǵan bailanysty 2017 jyldyń sońyna deiin ministrlik vedomstvoishilik bilim berýdiń málimetter bazalaryn yqpaldastyrýdy josparlaidy, al 2018 jyly bizdiń málimetterdi memlekettik organdardyń málimetter bazalarymen yqpaldastyrý josparlanǵan», – dep túiindedi E. Saǵadiev.
Elektrondy bilim berýdi engizý boiynsha aqparattyq-kommýnikatsiialyq saladaǵy ministrliktiń mindetterin aqparat jáne kommýnikatsiialar ministri Dáýren Abaev jetkizdi.
«Adami kapitaldy damytý AKM ázirlep jatqan «Tsifrlyq Qazaqstan» memlekettik baǵdarlamasynyń jobasynda kórinis tapty. Osylaisha, Baǵdarlama tsifrlandyrýdyń artyqshylyqtaryn paidalaný múmkindikterin keńeitýge qajetti halyqtyń daǵdylary men quzyretterin damytý arqyly kreativti qoǵam qurýdy, sondai-aq ekonomika salalary úshin aqparattyq-kommýnikatsiialyq tehnologiialar salasyndaǵy mamandar daiarlaýdy qarastyrady», – dedi D. Abaev.
Ministr aityp ótkendei, Baǵdarlama aiasynda Bilim jáne ǵylym ministrligi ekonomika salalary úshin aqparattyq-kommýnikatsiialyq tehnologiialar salasynda mamandar daiarlaý úshin 8 is-sharany iske asyrý qarastyrylǵan. Atalǵan baǵyttardy iske asyrý bilim berý júiesi men jumys berýshiler arasynda bailanys ornatý úshin múmkindikter ashady, sondai-aq ekonomikalyq damýdyń qýatty qozǵaýshy kúshi retinde oqý oryndarynyń rólin kúsheitedi.
Ministrlik QR BǴM-men birge hosting qyzmet kórsetýleri aiasynda BǴM-niń aqparattyq júielerin virtýaldy serverge kóshirý boiynsha jumys júrgizip jatyr, dep túiindedi D. Abaev.
QR Premer-Ministri Baqytjan Saǵyntaev Bilim jáne ǵylym ministrligine Aqparat jáne kommýnikatsiialar ministrligimen, ákimdermen birge óńirler turǵysynan mektepterdi jyldamdyqty internetke qosý Josparyn ázirleýdi tapsyrdy. Budan ózge, vedomstvoishilik bilim berýdiń málimetter bazalaryn yqpaldastyrýdy josparlanǵan merzimderge sáikes aiaqtaý tapsyryldy.
Atalǵan tapsyrmalardy oryndaýdy baqylaý Premer-Ministrdiń orynbasary Asqar Jumaǵalievke júkteldi.
