Úkimette Premer-Ministrdiń birinshi orynbasary Álihan Smaiylovtyń tóraǵalyǵymen Nur Otan partiiasynyń sailaýaldy baǵdarlamasyn iske asyrý jónindegi shtabtyń kezekti otyrysy ótti. Bul týraly primeminister.kz saity habarlady.
Talqylanǵan máselelerdiń biri belsendi eksporttaýshylar sanyn kóbeite otyryp, eksportty jedeldetý baǵdarlamasyn júzege asyrý týraly tarmaq boldy.
2020 jyly Memleket basshysynyń tapsyrmasy boiynsha Ortalyq Aziiada alǵash ret eksportty jedeldetý baǵdarlamasy iske qosyldy. Baǵdarlamanyń birinshi kezeńine Qytai naryǵyna baǵyttalǵan 35 azyq-túlik kompaniiasy qatysty. Kompaniialardyń jartysynan kóbi ShOB ókilderi.
Biyl iske qosylǵan Baǵdarlamanyń ekinshi kezeńinde tamaq, himiia, jeńil ónerkásip jáne mashina jasaý salalary boiynsha 101 kásiporyn irikteldi. 2020-2021 jyldarǵa arnalǵan baǵdarlamany júzege asyrýdy eskere otyryp, búgingi tańda eksporttaýshylar sany 410-nan (2020 jyly) 546-ǵa (2021) deiin ósti. Búgingi tańda bul kásiporyndardyń eksporttyq túsimderi shikizattyq emes eksporttyń jalpy kóleminiń 80%-ǵa jýyǵyn quraidy. Barlyq eksporttaýshylardyń 43%-yn tamaq ónerkásibi (233), odan keiin himiia (69) jáne metallýrgiia ónerkásibi (55) kásiporyndary quraidy.
2019 jyldan bastap Saýda ministrligi ashyq derekter portalynda ornalastyrylǵan belsendi eksporttaýshylardyń tizilimin júrgizýde.
Premer-Ministrdiń orynbasary tiisti memlekettik organdar men óńirlerge eksporttaýshylardy belsendi qoldaýdy jalǵastyrýdy jáne 2022 jylǵa arnalǵan eksportty jedeldetý baǵdarlamasyn iske asyrý boiynsha belgilengen nysanaly indikatorǵa 650 eksporttaýshy kompaniia deńgeiinde qol jetkizýdi tapsyrdy. Esterińizge sala keteiik, partiianyń aǵymdaǵy jylǵa arnalǵan sailaýaldy baǵdarlamasyn júzege asyrý jónindegi Shtab aiasynda Premer-Ministrdiń orynbasary Á. Smaiylovtyń tóraǵalyǵymen 32 jiyn ótti. 100 áleýmettik mańyzdy jáne ózekti másele tyńdaldy. Jol kartasynyń 362 tarmaǵynyń 201 tarmaǵy oryndaldy.
