ٷكٸمەتتە پرەمەر-مينيستردٸڭ بٸرٸنشٸ ورىنباسارى ەليحان سمايىلوۆتىڭ تٶراعالىعىمەن Nur Otan پارتيياسىنىڭ سايلاۋالدى باعدارلاماسىن ٸسكە اسىرۋ جٶنٸندەگٸ شتابتىڭ كەزەكتٸ وتىرىسى ٶتتٸ. بۇل تۋرالى primeminister.kz سايتى حابارلادى.
تالقىلانعان مەسەلەلەردٸڭ بٸرٸ بەلسەندٸ ەكسپورتتاۋشىلار سانىن كٶبەيتە وتىرىپ, ەكسپورتتى جەدەلدەتۋ باعدارلاماسىن جٷزەگە اسىرۋ تۋرالى تارماق بولدى.
2020 جىلى مەملەكەت باسشىسىنىڭ تاپسىرماسى بويىنشا ورتالىق ازييادا العاش رەت ەكسپورتتى جەدەلدەتۋ باعدارلاماسى ٸسكە قوسىلدى. باعدارلامانىڭ بٸرٸنشٸ كەزەڭٸنە قىتاي نارىعىنا باعىتتالعان 35 ازىق-تٷلٸك كومپانيياسى قاتىستى. كومپانييالاردىڭ جارتىسىنان كٶبٸ شوب ٶكٸلدەرٸ.
بيىل ٸسكە قوسىلعان باعدارلامانىڭ ەكٸنشٸ كەزەڭٸندە تاماق, حيمييا, جەڭٸل ٶنەركەسٸپ جەنە ماشينا جاساۋ سالالارى بويىنشا 101 كەسٸپورىن ٸرٸكتەلدٸ. 2020-2021 جىلدارعا ارنالعان باعدارلامانى جٷزەگە اسىرۋدى ەسكەرە وتىرىپ, بٷگٸنگٸ تاڭدا ەكسپورتتاۋشىلار سانى 410-نان (2020 جىلى) 546-عا (2021) دەيٸن ٶستٸ. بٷگٸنگٸ تاڭدا بۇل كەسٸپورىنداردىڭ ەكسپورتتىق تٷسٸمدەرٸ شيكٸزاتتىق ەمەس ەكسپورتتىڭ جالپى كٶلەمٸنٸڭ 80%-عا جۋىعىن قۇرايدى. بارلىق ەكسپورتتاۋشىلاردىڭ 43%-ىن تاماق ٶنەركەسٸبٸ (233), ودان كەيٸن حيمييا (69) جەنە مەتاللۋرگييا ٶنەركەسٸبٸ (55) كەسٸپورىندارى قۇرايدى.
2019 جىلدان باستاپ ساۋدا مينيسترلٸگٸ اشىق دەرەكتەر پورتالىندا ورنالاستىرىلعان بەلسەندٸ ەكسپورتتاۋشىلاردىڭ تٸزٸلٸمٸن جٷرگٸزۋدە.
پرەمەر-مينيستردٸڭ ورىنباسارى تيٸستٸ مەملەكەتتٸك ورگاندار مەن ٶڭٸرلەرگە ەكسپورتتاۋشىلاردى بەلسەندٸ قولداۋدى جالعاستىرۋدى جەنە 2022 جىلعا ارنالعان ەكسپورتتى جەدەلدەتۋ باعدارلاماسىن ٸسكە اسىرۋ بويىنشا بەلگٸلەنگەن نىسانالى ينديكاتورعا 650 ەكسپورتتاۋشى كومپانييا دەڭگەيٸندە قول جەتكٸزۋدٸ تاپسىردى. ەستەرٸڭٸزگە سالا كەتەيٸك, پارتييانىڭ اعىمداعى جىلعا ارنالعان سايلاۋالدى باعدارلاماسىن جٷزەگە اسىرۋ جٶنٸندەگٸ شتاب اياسىندا پرەمەر-مينيستردٸڭ ورىنباسارى ە. سمايىلوۆتىڭ تٶراعالىعىمەن 32 جيىن ٶتتٸ. 100 ەلەۋمەتتٸك ماڭىزدى جەنە ٶزەكتٸ مەسەلە تىڭدالدى. جول كارتاسىنىڭ 362 تارماعىنىڭ 201 تارماعى ورىندالدى.
