Búgin Premer-Ministrdiń orynbasary E. Toǵjanov elimizde buqaralyq jáne balalar sportyn damytýdyń qazirgi problemalary men perspektivalary jóninde arnaiy keńes ótkizdi. Bul týraly primeminister.kz saity habarlady.
Keńeske Mádeniet jáne sport ministri A. Raiymqulova, salalyq ministrlikterdiń, óńirler ákimdikteriniń basshylary jáne t. b. qatysty.
Memleket basshysynyń tapsyrmasyna sáikes sport salasy odan ári reformalaýdy talap etedi. Osyǵan bailanysty Premer-Ministrdiń orynbasary memlekettik organdardyń aldyna birqatar mańyzdy mindetter qoidy.
Buqaralyq jáne balalar sportymen ainalysýdyń qoljetimdiligin arttyrý. Biyl halyqtyń sportpen shuǵyldanýyn keminde 35% nátijege jetkize otyryp (búgingi kúni – 31,6%), nysanaly kórsetkishterdi qaita qaraý tapsyryldy.
Ol úshin ákimdikterge memlekettik sporttyq tapsyrys kólemin ulǵaitý, qosymsha balalar, jasóspirimder klýbtaryn, balalar-jetkinshekter sport klýbtaryn ashý, mektep jáne stýdentter sport ligalarynyń jumysyn qaita bastaý esebinen balalarǵa arnalǵan tegin sport sektsiialaryn keńeitý tapsyryldy.
Sondai-aq Qostanai, Atyraý jáne Mańǵystaý oblystarynda sport mektep-internattarynyń bolmaýyna bailanysty osy óńirlerdiń ákimdikterine olardyń qurylysyn bastaý máselesin sheshý tapsyryldy.
Sport obektilerin materialdyq-tehnikalyq jaraqtandyrý deńgeiin arttyrý. Osy jyldyń sońyna deiin ákimdikterge 43 dene shynyqtyrý-saýyqtyrý kesheniniń qurylysyn aiaqtaý, Work-out alańdary men basqa da shyǵynsyz sport ǵimarattarynyń jelisin keńeitý tapsyryldy.
Sport nysandarynyń tolyq júktelýine erekshe nazar aýdarý tapsyryldy.
«Nur Otan» partiiasynyń mamandandyrylǵan sport mektepteri oqytýshylarynyń jalaqysyn 2023 jylǵa deiin eki ese arttyrý, 2025 jylǵa deiin árbir aýyldyq okrýgti sport nusqaýshysymen qamtamasyz etý jónindegi jol kartasy is-sharalarynyń oryndalýyn erekshe baqylaýǵa alý.
Úzdik halyqaralyq tájiribeni eskere otyryp, kásibi sportshylardy, onyń ishinde ulttyq qurama komandalaryn daiarlaý tásilderin qaita qaraý jáne buqaralyq, kásibi sport úshin sport mamandarynyń (sport psihologtary, biomehanikter, biohimikter, dietologtar jáne t. b.) tapshylyǵy máselesin sheshý boiynsha arnaiy baǵdarlama ázirleý tapsyryldy.
Sportqa baǵyttalatyn biýdjettik jáne biýdjetten tys qarajattyń tiimdi jumsalýyna qatań baqylaýdy qamtamasyz etý.
Sala aldynda turǵan jańa mindetterdi eskere otyryp, 2025 jylǵa deiingi dene shynyqtyrý men buqaralyq sportty damytý jónindegi qabyldanǵan keshendi jospardy qaita qaraý.
Mádeniet jáne sport ministrliginiń elde buqaralyq jáne balalar sportyn damytý bóligindegi ókilettikterin keńeitetin zańnamalyq túzetýlerdi qabyldaýdy qamtamasyz etý.
Buqaralyq jáne balalar sportyn damytý máseleleri Úkimettiń erekshe baqylaýynda bolady.
