QR Premer-Ministri Asqar Maminniń tóraǵalyǵymen QR Parlamenti Májilisiniń Tóraǵasy Nurlan Nyǵmatýlinniń qatysýymen Jańǵyrtý jónindegi ulttyq komissiianyń otyrysy ótti, dep habarlaidy primeminister.kz.
QR Tuńǵysh Prezidenti – Elbasy Nursultan Nazarbaevtyń Bes institýtsionaldyq reformasyn iske asyrý jónindegi «100 naqty qadam» Ult josparynyń jáne Memleket basshysy Qasym-Jomart Toqaevtyń 2020 jylǵy 1 qyrkúiektegi Qazaqstan halqyna Joldaýynyń oryndalý barysy qaraldy.
Atqarylyp jatqan jumystar týraly ulttyq ekonomika ministri Áset Erǵaliev, aýyl sharýashylyǵy ministri Saparhan Omarov, qarjy ministri Erulan Jamaýbaev, energetika ministri Nurlan Noǵaev, indýstriia jáne infraqurylymdyq damý ministri Beibit Atamqulov, eńbek jáne halyqty áleýmettik qorǵaý ministri Serik Shápkenov, densaýlyq saqtaý ministri Aleksei Tsoi, ekologiia, geologiia jáne tabiǵi resýrstar ministri Maǵzum Myrzaǵaliev, mádeniet jáne sport vitse-ministri Ǵabidolla Ábdirahymov jáne basqa da jaýapty tulǵalar baiandady.
Búgingi tańda Ult josparynyń 100 qadamynyń ishinde 72 qadam iske asyryldy: «Kásibi memlekettik apparat qurý» baǵyty boiynsha – 15 qadamnyń 13-i, «Zańnyń ústemdigin qamtamasyz etý» baǵyty boiynsha – barlyq 19 qadam, «Indýstriialandyrý jáne ekonomikalyq ósim» baǵyty boiynsha – 50 qadamnyń 27-si, «Birtektilik jáne birlik» baǵyty boiynsha – 6 qadamnyń 3-ýi, «Esep beretin memleketti qalyptastyrý» baǵyty boiynsha – barlyq 10 qadam.
Biyl «Kásibi memlekettik apparat qurý» jáne «Indýstriialandyrý jáne ekonomikalyq ósý» baǵyttary boiynsha 9 qadamdy oryndaý josparlanýda.
Otyrysta biýdjetten tys qorlardyń qyzmetin qamtityn «keńeitilgen biýdjetti» engizý, zeinetaqy men járdemaqyny taǵaiyndaý jáne tóleý protsesterin tsifrlandyrý, otandyq farmatsevtikany damytý, Áleýmettik Kodekstiń tujyrymdamasyn jáne Qazaqstannyń 2050 jylǵa deiingi tómen kómirtekti damý tujyrymdamasyn ázirleý máseleleri qaraldy.
Premer-Ministr Ult josparyn jáne QR Prezidenti Qasym-Jomart Toqaevtyń 2020 jylǵy 1 qyrkúiektegi Joldaýyn iske asyrý jónindegi Jalpyulttyq sharalar josparyn tolyq jáne sapaly oryndaý boiynsha belsendi jumysty jalǵastyrýdy tapsyrdy.
Strategiialyq investorlardy, birinshi kezekte, jańa jumys oryndaryn qurýdy qamtamasyz etetin ekonomikanyń basym sektorlaryndaǵy jańa iri jobalarǵa tartý jónindegi tarmaqtarǵa erekshe nazar aýdaryldy.
