«Adam quqyqtarynyń hartiiasy» qoǵamdyq qorynyń atqarýshy direktory Jemis Turmaǵambetova Memleket basshysy Qasym-Jomart Toqaevtyń adam quqyqtary salasyndaǵy bastamasyna qoldaý bildirdi, dep habarlaidy QazAqparat.
«Men Qazaqstan Respýblikasy Prezidentiniń ulttyq múddelerdi eskere otyryp, adam quqyqtary salasyndaǵy zańnamalyq jáne praktikalyq sharalardy dáiekti qabyldaý týraly bastamasyn qoldaimyn. Biz munyń jańa bastamalar ǵana emes, qoldanystaǵy zańnama men praktikany qaita júkteý ekenin túsinýimiz kerek», - dedi Jemis Turmaǵambetova QazQaparat tilshisine telefon arqyly bergen suhbatynda.
Sarapshy qoldanystaǵy tetiktiń tiimdiligine jai ǵana turaqty monitoring júrgizip qoimai, ol iske azamattyq qoǵamdy, ulttyq jáne halyqaralyq sarapshylardy, ǵalymdardy tartý kerektigin aitady.
«Barlyq usynystar jan-jaqty talqylanýy kerek. Bul rette «Halyq únine qulaq asatyn memleket» tujyrymdamasynyń jergilikti oryndarda is júzinde jumys isteýi mańyzdy. Prezident Qasym-Jomart Toqaev ózi sailanǵan alǵashqy kúnderden bastap Adam quqyqtaryn óz saiasatyndaǵy basym baǵyt etip aldy. Qoldanystaǵy zańnamalyq mehanizmder men tájiribeniń birtekti jáne tiimdi bolýy mańyzdy. Bul tek atqarýshy organdardyń qyzmetine ǵana emes, sot praktikasyna da qatysty», - deidi qoǵamdyq qordyń jetekishsi.
Sarapshy kez kelgen bastama qolǵa alynbai turyp, qoǵamnyń talqysyna túskende ǵana ómirsheń bolatynyn aitady.
«Mysaly áielderdiń, múgedek adamdardyń múmkindikterin qoldaý jáne keńeitý bóliginde ǵana emes, Konstitýtsiiamen kepil berilgen adam quqyqtaryn qorǵaýdyń naqty tetikteri de osyndai talqylaý arqyly engizilýi kerek», - dep túsindirdi Jemis Turmaǵambetova.
Qoǵamdyq qordyń ókili Úkimettiń aldyna jyl sońyna deiin memleket damýy úshin birinshi kezekti másele bolyp sanalatyn keshendi sharalardyń josparyn qabyldaý mindeti qoiylǵanyn da oń úrdis retinde baǵalap otyr.
«Ázirlengen sharalar azamattyq qoǵam ókilderiniń burynnan kóterip júrgen usynystaryn eskergeni mańyzdy. Mysaly, Úkimet nazar aýdarýy tiis mańyzdy máselelerdiń biri – qyzmettiń belgili bir túrimen ainalysýǵa sot arqyly tyiym salý máselesi. Bul máseleni men Adam quqyqtary jónindegi ýákilmen talqyladym. Úkimetke jyl saiyn naqty oryndai alatyn basymdyqtardy belgilep otyrýdy usynamyn. Bul adam quqyqtary salasyndaǵy mindettemelerdi keiinge qaldyra berý tájiribesin joiady. Sondai-aq, Úkimet zańnamalyq sharalar qabyldap, tájiribeni jaqsartý arqyly barlyq qabyldanǵan sheshimderdiń turaqtylyǵyn qamtamasyz etýi kerek», - dep túiindedi qoǵamdyq qor basshysy.
