Memleket basshysynyń tapsyrmasyn oryndaý úshin 2020 jylǵa arnalǵan biýdjetti naqtylaý aiasynda epidemiiaǵa qarsy sharalarǵa qosymsha 125 mlrd teńge qarastyrylǵan. Bul týraly QR Úkimetinde ótken onlain-brifingte Premer-Ministrdiń Birinshi orynbasary ‒ qarjy ministri Álihan Smaiylov málimdedi, dep habarlaidy "Ult aqparat".
2020 jylǵa arnalǵan respýblikalyq biýdjetti naqtylaý kezinde munaily emes tapshylyq JIÓ-ge 7%-dan JIÓ-ge 10,8%-ǵa deiin ulǵaidy. Bul ósimniń faktory Ulttyq qordan kepildendirilgen transferttiń artýy boldy.
«Bul bir jolǵy aktsiia, biz Ulttyq qorda qarajat saqtaý qajettigi tujyrymdamasyn ustanamyz. Úkimet Ulttyq qordan kepildendirilgen transfertti tómendetý sharalaryn qabyldaidy», — dedi Á. Smaiylov.
Sonymen qatar ol biyl Ulttyq qor qarajatyn paidalaný qajet bolǵanyn atap ótti.
«Qazirgi ýaqytta Qazaqstanda ǵana emes, búkil álemde oryn alǵan daǵdarys bizdiń táýelsizdik jyldarynda bolǵan barlyq daǵdarystarǵa qaraǵanda aýqymdy ári úlken. Biz qazirgi ýaqytta aldaǵy úsh jylda biýdjettiń kiristerin ulǵaitý, biýdjet shyǵyndaryn ońtailandyrý ári qysqartý úshin jumys istep jatyrmyz. Munaily emes tapshylyqty azaitý úshin biz 2023 jylǵa qarai onyń deńgeiin eki ese ‒ JIÓ 5,3%-ǵa deiin azaitýdy josparlap otyrmyz», — dep atap ótti ministr.
Úkimet munaily emes tapshylyqty birtindep tómendetý boiynsha jumysty josparlady.
«Biz jyl sońyna deiin munai baǵasyn barreline 20 dollar deńgeiinde josparladyq. Bul degenimiz, biz munai sektorynan túsetin túsimderdi josparlamaimyz. Kelesi jyly munai baǵasy osy mólsherden asa joǵary bolmaidy. Bul Úkimet óz jumysynda munai tabysyna súienbeitinin, shikizattyq emes sektordaǵy salyq bazasyn ulǵaitý boiynsha jumys isteitindigin kórsetedi», — dep atap ótti Á. Smaiylov.
Aita ketý kerek, biýdjetti naqtylaý aiasynda epidemiiaǵa qarsy sharalarǵa qosymsha 125 mlrd teńge qarastyrylǵan, onyń ishinde:
-
karantin sharalaryn ótkizýge tartylǵan densaýlyq saqtaý júiesiniń qyzmetkerlerin yntalandyrýǵa — 40,6 mlrd teńge.
-
koronavirýs infektsiiasyn juqtyrǵan adamdardy jáne ony juqtyrý belgileri bar emdeýge jatqyzylǵan adamdardy emdeý úshin, sondai-aq COVID-19 jańa koronavirýs infektsiiasyn juqtyrǵan naýqastarmen qarym-qatynas ornatýy yqtimal adamdardy oqshaýlaý maqsatynda meditsinalyq uiymdarǵa meditsinalyq qyzmetter úshin aqy tóleýge — 19,5 mlrd teńge;
-
Nur-Sultan, Shymkent jáne Almaty qalalarynda karantindik úlgidegi jalpy 680 orynǵa arnalǵan 3 meditsinalyq modýldik keshen qurylysyna — 14,8 mlrd teńge;
-
tótenshe jaǵdai kezinde halyqtyń jekelegen sanattaryna (AÁK alýshylar, sonyń ishinde 6-18 jas aralyǵyndaǵy balalar, 1-3 toptaǵy múgedekter, múgedek balalar, múgedek bala kútimimen ainalysatyn tulǵalar, resmi túrde tirkelgen jumyssyzdar) azyq-túlik jáne turmystyq jiyntyq berýge — 30,8 mlrd teńge;
-
ishki ister organdary men meditsina qyzmetkerlerine, Ulttyq ulannyń jáne Qarýly Kúshterdiń áskeri qyzmetkerlerine 1 laýazymdyq jalaqy mólsherinde syiaqy tóleýge (66,3 myń adam qamtylatyn bolady) — 8,1 mlrd teńge;
-
bailanys qyzmetimen qamtamasyz etýge jáne vedomstvoaralyq aqparattyq júielerdiń jumys isteýine — 4 mlrd teńge;
-
azyq-túlik jáne arnaiy múlik, sondai-aq shatyr qalashyǵyn jabdyqtaý jáne jailastyrý úshin múlik satyp alýǵa, blok beketterde qaýipsizdikti qamtamasyz etýge — 1,3 mlrd teńge;
-
teplovizor satyp alýǵa — 225 mln tg;
-
koronavirýs infektsiiasymen kúres aiasynda aqparattyq-túsindirý jumystaryn júrgizýge — 200 mln teńge.
