Úkimet basshysynyń birinshi orynbasary Álihan Smaiylov Májilis depýtattarynyń saýalyna bergen jaýabynda Ulttyq qordyń qaldyǵyn JIÓ-men bailanysty belgileýdiń sebebin túsindirdi, dep habarlaidy "Ult aqparat".
Premer-Ministrdiń birinshi orynbasary óz jaýabynda Prezident tapsyrmasy boiynsha 2021 jyldan bastap Ulttyq qordan alynatyn transfert áleýmettik jáne infraqurylymdyq damýdy qamtamasyz etý úshin ǵana jumsalatyn alǵa tartady. Ulttyq qordyń transfertterin daǵdarys kezinde paidalanýdyń Tujyrymdamasy boiynsha ǵana myna sharýalarǵa ǵana jumsalmaq:
- ekonomikanyń quldyraýy nemese ekonomikanyń ósý qarqynynyń baiaýlaýy kezeńderinde daǵdarysqa qarsy baǵdarlamalardy;
- ulttyq aýqymdaǵy ózin-ózi aqtamaityn áleýmettik mańyzy bar jobalardy, strategiialyq mańyzy bar infraqurylymdyq jobalardy qarjylandyrýdyń balama kózderi bolmaǵan kezde olardy qarjylandyrý úshin bólinedi.
«2021 jylǵa kózdelgen nysanaly transfertter densaýlyq saqtaý, bilim berý, ekologiia, eldiń básekege qabilettiligin arttyrý, makroekonomikalyq basqarý jáne basqa da salalardaǵy jobalardy iske asyrýǵa baǵyttalǵan. Osylaisha, qoldanystaǵy normativtik quqyqtyq aktilerde nysanaly transferttermen qarjylandyrý parametrleri reglamenttelgen», - degen Premer-Ministrdiń birinshi orynbasary esepti Ulttyq qordyń tómendemeitin qaldyǵyn qarjy jylyndaǵy investitsiialyq kiristiń keminde 70%-y mólsherinde aiqyndaý týraly usynysty orynsyz dep baǵalaǵan.
«Ulttyq qor qarajatynyń tómendetilmeitin qaldyǵy boiynsha tiisti jyldyń sońyndaǵy JIÓ-niń boljamdy mániniń 30%-y mólsherinde qoldanystaǵy shekteýdi, sondai-aq munaiǵa kesimdi baǵaǵa bailanystyrylǵan kepildendirilgen transferttiń kólemi boiynsha 2023 jyldan bastalatyn shekteýdi eskere otyryp, Ulttyq qordyń investitsiialyq kirisiniń deńgeiine qarai transfertter kólemine qosymsha shekteý belgileý orynsyz. Ótkeni qarjy naryqtarynyń boljanbaýyna bailanysty kiristiliktiń aýytqýy, al jekelegen jyldary tipti teris bolýy múmkin. Sonymen qatar, bir parametr úshin birneshe shekteý belgileý tiimdi shara bolyp sanalmaidy», - dep jazylǵan Álihan Smaiylovtyń depýtattarǵa bergen jaýabynda.
Munyń sebebin Úkimet ókili keiin keibir kezeńderde belgilengen shekteýler bir-birine qaishy kelý yqtimaldyǵymen bailanystyrady.
«Ulttyq qordyń Tujyrymdamasynda:
- 2021 jylǵy 1 qańtardan bastap áleýmettik jáne infraqurylymdyq damýdy qamtamasyz etý úshin kepildendirilgen transferttiń nysanaly sipatyn belgileý;
- Ulttyq qordyń jinaqtaý fýnktsiiasynyń oryndalýyn qamtamasyz etý úshin 2023 jyldan bastap memlekettik shyǵystarǵa shekteýlerdi belgileý bóliginde biýdjettik qaǵidalardy kúsheitý;
- biýdjettiń munaiǵa qatysty emes tapshylyǵyn 2021 jylǵy JIÓ-ge qatysty 9,1%-dan 2025 jyly JIÓ-ge qatysty 6,0%-ǵa deiin birtindep tómendetý;
- 2022 jyldyń sońyna deiin Ulttyq qordyń aktivterin konservativti bólýden (80% obligatsiialarda jáne 20% aktsiialarda) aktivterdi teńgerimdi bólýge (60% obligatsiialar, 30% aktsiialar, 5% balama quraldar jáne 5% altynǵa deiin) kóshýdi kózdeitin jańa strategiialyq bólýge kóshýdi qamtamasyz etý kózdelgen», - dep jazylǵan resmi jaýapta.
