QR Premer-Ministri Asqar Maminniń tóraǵalyǵymen ótken Úkimet otyrysynda «Tsifrlyq Qazaqstan» memlekettik baǵdarlamasyn iske asyrý barysy qaraldy, dep habarlaidy "Ult aqparat".
QR tsifrlyq damý, innovatsiialar jáne aeroǵarysh ónerkásibi ministri A. Jumaǵaliev 2019 jyly «Tsifrlyq Qazaqstan» memlekettik baǵdarlamasyn iske asyrýǵa 18,7 mlrd teńge bólingenin, ol tolyǵymen igerilgenin málimdedi.
2018-2019 jyldary tsifrlandyrý boiynsha júzege asyrylǵan is-sharalar 802,5 mlrd teńge kóleminde ekonomikalyq tiimdilik ákeldi, innovatsiialyq ekojúiege 32,8 mlrd teńge tartyldy jáne irgeles salalardy eskere otyryp, 120 myń jumys orny quryldy.
«Elbasy Nursultan Ábishuly Nazarbaev pen Memleket basshysy Qasym-Jomart Kemeluly Toqaev tsifrlandyrýǵa erekshe kóńil bóledi. Úkimettiń keńeitilgen otyrysynda Memleket basshysy tsifrlandyrý salasyndaǵy jumystyń mańyzdylyǵyn atap ótip, bul baǵytty naqty túpkilikti nátijege qol jetkizýmen jedeldetýdi tapsyrdy», — dedi A. Mamin.
Premer-Ministr 2019 jyly memlekettik organdardyń aqparattyq júielerin integratsiialaý josparynyń oryndalmaýyna ishki ister, densaýlyq saqtaý, indýstriia, ulttyq ekonomika jáne qorǵanys ministrlikteri jol bergenin atap ótti.
«Bul jumysty erekshe baqylaýǵa alyp, ony 1 naýryzǵa deiin aiaqtaý qajet. Barlyq memlekettik organdardyń basshylary aqparattyq júielerdiń ýaqytyly birigýi men olardyń úzdiksiz jumys isteýi úshin derbes jaýapty orynbasardy bekitýi tiis», — dedi A. Mamin.
Premer-Ministr biyl memlekettik qyzmetterdi avtomattandyrýdyń 90% deńgeiine jetýdi tapsyrdy. Memlekettik organdar qysqa merzim ishinde memlekettik qyzmetter tizilimine qajetti ózgeristerdi, onyń ishinde 20 memlekettik qoldaý sharalary boiynsha ózgeristerdi pysyqtap, engizýi qajet.
Úkimet basshysy halyqty joǵary jyldamdyqty internetpen qamtamasyz etý jumysynyń uzaqqa sozylyp ketkenin atap ótti.
«Nur Otan» partiiasynyń 250 adamnan asatyn halqy bar eldi mekenderdi joǵary jyldamdyqty internetpen qamtamasyz etý jónindegi sailaýaldy baǵdarlamasynyń is-sharalaryn iske asyrý aiasynda bailanys operatorlarymen jumys kestesi áli kúnge deiin bekitilmegen. Partiia ókilderi men Parlament depýtattary tarapynan bul másele boiynsha syn da aityldy», — dep A. Mamin, atalǵan máseleni bir apta merzim ishinde sheshýdi tapsyrdy.
Premer-Ministr Tsifrlyq damý, innovatsiialar jáne aeroǵarysh ónerkásibi ministrligine Bilim jáne ǵylym ministrligimen birlesip, úzdik halyqaralyq tájiribelerdi paidalana otyryp, AT-mamandaryn sapaly daiarlaý jónindegi jumysty jandandyrýdy tapsyrdy.
