Foto: Halyk Uni
Úkimet sý tasqynynyń aldyn alý úshin ózen-sýlardaǵy sý deńgeiin anyqtaityn batimetriialyq zertteýlerge 576 mln teńge bóldi, dep habarlaidy "Ult aqparat".
Qaýlyǵa premer-ministr Oljas Bektenov qol qoiǵan. Aqshany sý resýrstary jáne irrigatsiia ministrligi alady.
«Qarjylandyrýdyń negizgi bóligi jabdyqtar men tehnikalyq jaraqtardy satyp alýǵa, sondai-aq zertteýlerge baǵyttalady. Atap aitqanda, osy aqshany «Qazsýshar» kompaniiasynyń «Sý metrologiia» filialyna berip, elimizdiń soltústik, batys jáne ortalyq óńirlerdegi sý tasqyny qaýpi bar ýchaskelerine batimetriialyq zertteý júrgizý kózdelip otyr», - dep habarlaidy úkimet.
Ózen-sýlar biyl da, 2025 jyly da zerttelýi kerek. Zertteýdiń derekteri tsifrlyq damý, innovatsiialar jáne aeroǵarysh ónerkásibi ministrligi men «Qazaqstan Ǵarysh Sapary» kompaniiasyna beriledi.
