Kollaj: Ulysmedia.kz
Úkimet "AgromashHolding KZ" AQ jobasyn qarjylandyrý úshin biýdjetten $100 000 000 (55 mlrd teńge) bólmek, dep habarlaidy Ulysmedia.kz.
Saiasattanýshy Sanjar Boqaevtyń aitýynsha, biýdjettik nesie qaryz alýshyǵa 0,1% syiaqy mólsherlemesi boiynsha 20 jyldan aspaityn merzimge teńgemen beriledi, al nesieni óteý 2028 jyldan bastalady.
"Infliatsiia jylyna shamamen 25% bolatyn elde bul qarjy 20 jyldan keiin múldem eshteńe bolmaidy, iaǵni bul aqshany syiǵa tartýmen birdei", – dedi ol.
Saiasattanýshy Namys partiiasynyń uiymdastyrý komitetiniń atynan Esep komitetine, Ulttyq ekonomika ministrligine suraý jiberip, ekinshi vedomstvodan jaýap alǵan. Alaida Boqaevtyń sózinshe, "jaýap jalpylama, kásibi emes".
"Bul áreket úlken alaiaqtyq shemany aqtap alýdyń amaly. Olar Prezident Qasym-Jomart Toqaevtyń 2020 jylǵy 11 mamyrdaǵy tapsyrmasyn siltep otyr. Men bul tapsyrmany qaradym – onda óndiris týraly sbir aýyz óz joq. Onda jalpy óńdeý ónerkásibin damytý qajettigi týraly aitylǵan. Olar osyny jeleý etip ózderiniń jeke oligarhiialyq múddelerin alǵa tartyp otyr. Bul joba óte kúmándi", - dedi ol.
Saiasattanýshy Bul jobany qarjylandyrýǵa bolmaityn negizgi sebepterdi atady:
- shyǵyny kóp;
- reseilik júk kóligi óndirýshisimen yntymaqtastyqqa bailanysty qaitalama sanktsiialar alý qaýpi.
"Sondyqtan, Smaiylov myrza, men sizge eskertemin – Úkimet 55 mlrd teńgeni osy sharttarmen bólýdi oiǵa da almasyn. Eger atalǵan somany bóletin bolsańyz, biz osy jeke kompaniianyń qaitalama sanktsiialarǵa túsýi úshin halyqaralyq qarjy institýttaryna aǵylshyn tilinde reliz jiberýge májbúr bolamyz, óitkeni bul 55 mlrd teńge Sizdiń aqshańyz emes – bul bizdiń salyq tóleýshilerimizdiń aqshasy. Olardy jumsaityn salalar jetkilikti – joldarymyzdyń jaǵdaiy múshkil, úsh aýysymdy mektepter de az emes. Biz 55 mlrd teńgege 55 mektep sala alamyz, múgedektigi bar adamdar úshin zeinetaqyny indekstei alamyz. Biýdjet shyǵyndaryn, salyq tóleýshilerdiń aqshasyn aqylmen jumsaiyq", - dep qorytyndylady Boqaev.
Aita keteiik, “AgromashHolding KZ” direktorlar keńesiniń tóraǵasy – Andrei Lavrentev.
