كوللاج: Ulysmedia.kz
ٷكٸمەت "اگروماشحولدينگ KZ" اق جوباسىن قارجىلاندىرۋ ٷشٸن بيۋدجەتتەن $100 000 000 (55 ملرد تەڭگە) بٶلمەك, دەپ حابارلايدى Ulysmedia.kz.
ساياساتتانۋشى سانجار بوقاەۆتىڭ ايتۋىنشا, بيۋدجەتتٸك نەسيە قارىز الۋشىعا 0,1% سىياقى مٶلشەرلەمەسٸ بويىنشا 20 جىلدان اسپايتىن مەرزٸمگە تەڭگەمەن بەرٸلەدٸ, ال نەسيەنٸ ٶتەۋ 2028 جىلدان باستالادى.
"ينفلياتسييا جىلىنا شامامەن 25% بولاتىن ەلدە بۇل قارجى 20 جىلدان كەيٸن مٷلدەم ەشتەڭە بولمايدى, ياعني بۇل اقشانى سىيعا تارتۋمەن بٸردەي", – دەدٸ ول.
ساياساتتانۋشى Namys پارتيياسىنىڭ ۇيىمداستىرۋ كوميتەتٸنٸڭ اتىنان ەسەپ كوميتەتٸنە, ۇلتتىق ەكونوميكا مينيسترلٸگٸنە سۇراۋ جٸبەرٸپ, ەكٸنشٸ ۆەدومستۆودان جاۋاپ العان. الايدا بوقاەۆتىڭ سٶزٸنشە, "جاۋاپ جالپىلاما, كەسٸبي ەمەس".
"بۇل ەرەكەت ٷلكەن الاياقتىق سحەمانى اقتاپ الۋدىڭ امالى. ولار پرەزيدەنت قاسىم-جومارت توقاەۆتىڭ 2020 جىلعى 11 مامىرداعى تاپسىرماسىن سٸلتەپ وتىر. مەن بۇل تاپسىرمانى قارادىم – وندا ٶندٸرٸس تۋرالى سبٸر اۋىز ٶز جوق. وندا جالپى ٶڭدەۋ ٶنەركەسٸبٸن دامىتۋ قاجەتتٸگٸ تۋرالى ايتىلعان. ولار وسىنى جەلەۋ ەتٸپ ٶزدەرٸنٸڭ جەكە وليگارحييالىق مٷددەلەرٸن العا تارتىپ وتىر. بۇل جوبا ٶتە كٷمەندٸ", - دەدٸ ول.
ساياساتتانۋشى بۇل جوبانى قارجىلاندىرۋعا بولمايتىن نەگٸزگٸ سەبەپتەردٸ اتادى:
- شىعىنى كٶپ;
- رەسەيلٸك جٷك كٶلٸگٸ ٶندٸرۋشٸسٸمەن ىنتىماقتاستىققا بايلانىستى قايتالاما سانكتسييالار الۋ قاۋپٸ.
"سوندىقتان, سمايىلوۆ مىرزا, مەن سٸزگە ەسكەرتەمٸن – ٷكٸمەت 55 ملرد تەڭگەنٸ وسى شارتتارمەن بٶلۋدٸ ويعا دا الماسىن. ەگەر اتالعان سومانى بٶلەتٸن بولساڭىز, بٸز وسى جەكە كومپانييانىڭ قايتالاما سانكتسييالارعا تٷسۋٸ ٷشٸن حالىقارالىق قارجى ينستيتۋتتارىنا اعىلشىن تٸلٸندە رەليز جٸبەرۋگە مەجبٷر بولامىز, ٶيتكەنٸ بۇل 55 ملرد تەڭگە سٸزدٸڭ اقشاڭىز ەمەس – بۇل بٸزدٸڭ سالىق تٶلەۋشٸلەرٸمٸزدٸڭ اقشاسى. ولاردى جۇمسايتىن سالالار جەتكٸلٸكتٸ – جولدارىمىزدىڭ جاعدايى مٷشكٸل, ٷش اۋىسىمدى مەكتەپتەر دە از ەمەس. بٸز 55 ملرد تەڭگەگە 55 مەكتەپ سالا الامىز, مٷگەدەكتٸگٸ بار ادامدار ٷشٸن زەينەتاقىنى يندەكستەي الامىز. بيۋدجەت شىعىندارىن, سالىق تٶلەۋشٸلەردٸڭ اقشاسىن اقىلمەن جۇمسايىق", - دەپ قورىتىندىلادى بوقاەۆ.
ايتا كەتەيٸك, “اگروماشحولدينگ KZ” ديرەكتورلار كەڭەسٸنٸڭ تٶراعاسى – اندرەي لاۆرەنتەۆ.
