QR Úkimeti Prezident Qasym-Jomart Toqaevtyń tártipsizdikter saldaryn joiý jáne eldi ári qarai áleýmettik-ekonomikalyq damytý jónindegi tapsyrmalaryn iske asyrý boiynsha jumys júrgizýde, dep habarlaidy "Ult aqparat" primeminister.kz saityna silteme jasap.
Biylǵy 5 qańtarda turǵyndar úshin kommýnaldyq qyzmetterdiń (jylýmen jabdyqtaý, sýmen jabdyqtaý, sý tartý, elektrmen jabdyqtaý, gazben jabdyqtaý) tarifteri men baǵalaryn ósirýge 180 kúnge moratorii engizildi.
«Qazaqstan halqyna» qoǵamdyq áleýmettik qory (QÁQ) quryldy, qazirdiń ózinde biznes sýbektileri oǵan 20 mlrd teńgeden astam qarjy aýdardy.
Áleýmettik-ekonomikalyq jaǵdaidy turaqtandyrý jónindegi jedel is-qimyl josparyn iske asyrý bastaldy.
Ishki ister organdarynyń bólimshelerin materialdyq-tehnikalyq qamtamasyz etýdi nyǵaitý úshin IIM-ge qajetti qarajat bólindi. Tártipsizdikter kezinde qyzmettik avtokólikteri joiylǵan óńirlerdegi politsiia departamentterine 457 patrýldik avtomobil men 70 avtobýs jetkizildi.
Jappai tártipsizdikterden zardap shekken azamattar men zańdy tulǵalarǵa bank aldyndaǵy qaryzdary men mikrokreditterin óteý merzimin keiinge shegerý múmkindigi berildi.
Bizneske júktemeni tómendetý úshin memlekettik kirister organdarynyń bastamasy boiynsha bastalǵan salyqtyq jáne kedendik tekserýler, sondai-aq kameraldyq baqylaý boiynsha habarlamalar berý toqtatyldy.
Úkimettik komissiia ShOB sýbektilerine tártipsizdik kezinde keltirilgen zalaldy óteý tetigin bekitti. Jaqynda Úkimet rezerviniń qarajaty esebinen kásipkerlerge jyljymaityn, jyljymaly múlik boiynsha, sondai-aq joǵalǵan (urlanǵan) taýarlyq-materialdyq qundylyqtar boiynsha keltirilgen zalaldy óteý bastalady.
Úkimet «Jasyl damý» memlekettik kompaniiasyn ýtilizatsiialyq tólemderdi jinaý operatory retinde belgiledi, onyń 100% aktsiiasy memleketke tiesili. «ÓKM Operatory» JShS-nyń buǵan deiin jinalǵan qarajaty memleket menshigine ótti. Ýtilizatsiialyq tólemderdiń mólsherlemeleri men paidalaný tetikteri boiynsha usynystar ázirleý úshin azamattyq jáne biznes qoǵamdastyqtyń qatysýymen alań quryldy.
Halyqtyń áleýmettik osal toptaryn qoldaý maqsatynda azamattardyń jekelegen sanattaryna qaitalama turǵyn úidi jalǵa alǵany úshin tólem taǵaiyndaý jáne ony júzege asyrý qaǵidalary ázirlendi.
Azamattarǵa zardap shekkender men habar-osharsyz ketkender týraly aqparat berý úshin 1414 call-ortalyǵynyń bazasynda táýlik boiy jumys isteitin tikelei jeli ashyldy. Azamattarǵa keńes berý úshin 150 operator tartylyp, 200 myńnan asa qońyraý qabyldandy.
Kommýnaldyq qyzmetter, qoǵamdyq kólik jáne áleýmettik infraqurylym nysandarynyń jumysy turaqtaldy.
Qarjy júiesiniń, saýda nysandarynyń, kólik tasymaldary men qatynastarynyń barlyq túriniń turaqty jumysy qamtamasyz etildi.
Úkimet elektrondyq saýda alańyndaǵy gaz saýdasyn 2023 jylǵy 1 qańtarǵa deiin shegerdi. Sonymen qosa, Energetika ministrligi naryq qatysýshylarymen birlesip, baǵanyń negizsiz ósýine jol bermeý jáne ashyqtyǵyn qamtamasyz etý maqsatynda elektrondyq alańda suiytylǵan munai gazyn satý tetigin jetildirý jumysyn bastady.
Úkimet Memleket basshysynyń jańa Qazaqstandy qurýǵa jáne áleýmettik-ekonomikalyq ósýdi ári qarai qamtamasyz etýge baǵyttalǵan tapsyrmalaryn jedel ári sapaly oryndaý boiynsha sharalardy qabyldaýdy jalǵastyrady.
