Qazaqstan Premer-Ministri Oljas Bektenov a.j. 15 naýryzda ótken «Adal adam – Adal eńbek – Adal tabys» atty Ulttyq quryltaidyń úshinshi otyrysynda Memleket basshysy Qasym-Jomart Toqaevtyń elimizde turmys sapasyn jaqsartý jónindegi tapsyrmalaryn oryndaý boiynsha keńes ótkizdi, dep habarlaidy "Ult aqparat" Premer-Ministrdiń baspasóz qyzmetine silteme jasap.
Prezident TKSh infraqurylymyn jóndeý jáne jańǵyrtý máselesi boiynsha qoldanystaǵy 55 jylý kózin jóndeýdi jáne keminde 6,5 myń shaqyrym injenerlik jelilerdi jańǵyrtýdy tapsyrdy. Bul maqsattarǵa 650 mlrd teńge investitsiia tartylatyn bolady.
Azamattardyń baspanaly bolýyn qamtamasyz etý boiynsha qoiylǵan mindetterdi sheshý úshin Úkimet kezekte turǵandar, onyń ishinde halyqtyń áleýmettik osal sanattary úshin satyp alý quqyǵymen jalǵa beriletin turǵyn úi kólemin 4 ese ulǵaitýdy josparlap otyr. Ol úshin qosymsha 272 mlrd teńge bólinedi. Memleket basshysynyń tapsyrmasy boiynsha Otbasy bank 300 mlrd teńge somasyna ipotekalyq qaryzdar beretin jańa baǵdarlamany iske qosady. Jańa baǵdarlamaǵa jumys isteitin jastar, jas otbasylar, turǵyn úi tólemderin alýshylar, bank salymshylary, monoqalalardyń, aýdan ortalyqtary men aýyldyq eldi mekenderdiń turǵyndary, onyń ishinde aqsha jinaý boiynsha mindettemesi joq turǵyn úi kezeginde turǵandar qatysa alady. Birinshi jyly jańa baǵdarlama esebinen qosymsha 12 myń baspanaǵa muqtaj otbasyn úimen qamtamasyz etý josparlanyp otyr. Jalpy biyl rekordtyq 18 mln sharshy metr turǵyn úi salynady, bul burynǵy josparlanǵan jyldyq kórsetkishten 2,5 mln sharshy metrge artyq.
Elimizdiń jol jelisin damytý boiynsha Prezident aitqan 12 myń shaqyrym avtomobil joldaryn retteý úshin Úkimet aǵymdaǵy jumystardan bólek, qosymsha 2,5 myń shaqyrym joldy jóndeý jumystaryn josparlap otyr. Bul maqsattardy iske asyrý úshin shamamen 1 trln teńge investitsiia baǵyttalatyn bolady.
Bul jai-kúii jaqsy jáne qanaǵattanarlyq respýblikalyq joldardyń úlesin 93%-ǵa deiin arttyrýǵa, sondai-aq qosymsha 24 myń jumys ornyn qurýǵa múmkindik beredi.
Eldi mekenderdi gazdandyrý deńgeiin arttyrý maqsatynda Memleket basshysy keminde 1,7 myń shaqyrym jelini jańǵyrtý mindetin qoidy. Bul 300 myńnan astam azamatqa kógildir otyndy qoljetimdi etedi. Osyǵan bailanysty Úkimet biyl josparlanǵan 46 eldi mekenniń ornyna 87 eldi mekendi gazdandyrmaq. Osylaisha, 63 myńnan astam adam jedeldetilgen sharalarmen gazben qamtamasyz etiletin bolady, iaǵni qamtý is júzinde 2 esege ulǵaityldy. Bul maqsattarǵa 195 mlrd teńge bólinetin bolady.
Úkimet basshysy biyl 1 sáýirge deiingi merzimde jobalardy qarjylandyrý kestesin ýaqtyly usynýdy tapsyrdy. Keste sondai-aq jobalardyń ári qarai iske asyrylýyn kúndelikti baqylaýdy da kózdeitin bolady.
«Biz Prezidenttiń aýqymdy infraqurylymdyq bastamalarynyń ýaqtyly iske asyrylýyn qamtamasyz etýge tiispiz. Árbir ministrge jáne ákimge, ulttyq kompaniialardyń basshylyǵyna jumysty kúndelikti baqylaýǵa alýdy tapsyramyn. Turǵyndar naqty ózgeristerdi kórýi qajet. Tolyq qaitarymmen jumys isteý jáne joǵary nátije tiimdiliktiń kórsetkishi bolmaq», — dedi Oljas Bektenov.
Sonymen qatar keńeste óńdeý ónerkásibin, tranzittik dálizderdi, kásipkerlikti jáne IT-tehnologiialardy odan ári damytý jónindegi sharalar qaraldy. Negizgi mindet – jańa jumys oryndary, ozyq tehnologiialar men quzyretter transferti, iri óndiristerdi lokalizatsiialaý, joǵary deńgeide óńdelgen ónim shyǵaratyn klaster qurý jáne t.b. túrindegi mýltiplikativtik áser beretin jańa investitsiialyq jobalar.
- Biyl josparlanǵan keminde 70 joba paidalanýǵa berilmek. Óńdeý ónerkásibin damytý maqsatynda otandyq kásiporyndardyń júktemesin orta eseppen 65%-ǵa deiin arttyrý boiynsha qosymsha sharalar ázirlenetin bolady.
- Tranzittik dálizderdi damytý jáne kóliktiń barlyq túrimen júk tasymaldaý kólemin ulǵaitý úshin jańa temirjoldardyń, logistikalyq ortalyqtar men qoimalardyń qurylysy jalǵasatyn bolady. Máselen, júkterdi temirjol kóligimen tasymaldaý kólemin 450 mln tonnaǵa deiin, avtomobil kóligimen tasymaldaý kólemin 316 mln tonnaǵa deiin, sondai-aq tranzittik tasymaldardy 30 mln tonnaǵa deiin, onyń ishinde Transkaspii halyqaralyq kólik baǵyty boiynsha júkterdi tasymaldaý kólemin 4,2 mln tonnaǵa jetkizý josparlanyp otyr.
- Úkimet otandyq biznesti qoldaýdy jalǵastyrady. AÓK damytýǵa qosymsha 240 mlrd teńge baǵyttalatyn bolady. ShOB jobalaryn sýbsidiialaýǵa 320 mlrd teńgege deiin baǵyttalady. Investorlar tartý maqsatynda 12 arnaiy ekonomikalyq jáne indýstriialyq aimaq qajetti infraqurylymmen qamtý josparlanǵan. Bul maqsattarǵa 160 mlrd teńge baǵyttalady. Sondai-aq «ónerkásiptik ipoteka» tetigi boiynsha jalpy somasy 30 mlrd teńgege 8 jańa shaǵyn ónerkásiptik aimaqty qurý jumystary jedeldetiletin bolady.
- Aqparat jáne bailanys qyzmetteri salasynda keminde 10% deńgeiinen kem emes ósim kútiledi jáne ol IT-qyzmetter eksportyn $600 mln-ǵa deiin ulǵaitý esebinen qamtamasyz etiletin bolady.
