قازاقستان پرەمەر-مينيسترٸ ولجاس بەكتەنوۆ ا.ج. 15 ناۋرىزدا ٶتكەن «ادال ادام – ادال ەڭبەك – ادال تابىس» اتتى ۇلتتىق قۇرىلتايدىڭ ٷشٸنشٸ وتىرىسىندا مەملەكەت باسشىسى قاسىم-جومارت توقاەۆتىڭ ەلٸمٸزدە تۇرمىس ساپاسىن جاقسارتۋ جٶنٸندەگٸ تاپسىرمالارىن ورىنداۋ بويىنشا كەڭەس ٶتكٸزدٸ, دەپ حابارلايدى "ۇلت اقپارات" پرەمەر-مينيستردٸڭ باسپاسٶز قىزمەتٸنە سٸلتەمە جاساپ.
پرەزيدەنت تكش ينفراقۇرىلىمىن جٶندەۋ جەنە جاڭعىرتۋ مەسەلەسٸ بويىنشا قولدانىستاعى 55 جىلۋ كٶزٸن جٶندەۋدٸ جەنە كەمٸندە 6,5 مىڭ شاقىرىم ينجەنەرلٸك جەلٸلەردٸ جاڭعىرتۋدى تاپسىردى. بۇل ماقساتتارعا 650 ملرد تەڭگە ينۆەستيتسييا تارتىلاتىن بولادى.
ازاماتتاردىڭ باسپانالى بولۋىن قامتاماسىز ەتۋ بويىنشا قويىلعان مٸندەتتەردٸ شەشۋ ٷشٸن ٷكٸمەت كەزەكتە تۇرعاندار, ونىڭ ٸشٸندە حالىقتىڭ ەلەۋمەتتٸك وسال ساناتتارى ٷشٸن ساتىپ الۋ قۇقىعىمەن جالعا بەرٸلەتٸن تۇرعىن ٷي كٶلەمٸن 4 ەسە ۇلعايتۋدى جوسپارلاپ وتىر. ول ٷشٸن قوسىمشا 272 ملرد تەڭگە بٶلٸنەدٸ. مەملەكەت باسشىسىنىڭ تاپسىرماسى بويىنشا وتباسى بانك 300 ملرد تەڭگە سوماسىنا يپوتەكالىق قارىزدار بەرەتٸن جاڭا باعدارلامانى ٸسكە قوسادى. جاڭا باعدارلاماعا جۇمىس ٸستەيتٸن جاستار, جاس وتباسىلار, تۇرعىن ٷي تٶلەمدەرٸن الۋشىلار, بانك سالىمشىلارى, مونوقالالاردىڭ, اۋدان ورتالىقتارى مەن اۋىلدىق ەلدٸ مەكەندەردٸڭ تۇرعىندارى, ونىڭ ٸشٸندە اقشا جيناۋ بويىنشا مٸندەتتەمەسٸ جوق تۇرعىن ٷي كەزەگٸندە تۇرعاندار قاتىسا الادى. بٸرٸنشٸ جىلى جاڭا باعدارلاما ەسەبٸنەن قوسىمشا 12 مىڭ باسپاناعا مۇقتاج وتباسىن ٷيمەن قامتاماسىز ەتۋ جوسپارلانىپ وتىر. جالپى بيىل رەكوردتىق 18 ملن شارشى مەتر تۇرعىن ٷي سالىنادى, بۇل بۇرىنعى جوسپارلانعان جىلدىق كٶرسەتكٸشتەن 2,5 ملن شارشى مەترگە ارتىق.
ەلٸمٸزدٸڭ جول جەلٸسٸن دامىتۋ بويىنشا پرەزيدەنت ايتقان 12 مىڭ شاقىرىم اۆتوموبيل جولدارىن رەتتەۋ ٷشٸن ٷكٸمەت اعىمداعى جۇمىستاردان بٶلەك, قوسىمشا 2,5 مىڭ شاقىرىم جولدى جٶندەۋ جۇمىستارىن جوسپارلاپ وتىر. بۇل ماقساتتاردى ٸسكە اسىرۋ ٷشٸن شامامەن 1 ترلن تەڭگە ينۆەستيتسييا باعىتتالاتىن بولادى.
بۇل جاي-كٷيٸ جاقسى جەنە قاناعاتتانارلىق رەسپۋبليكالىق جولداردىڭ ٷلەسٸن 93%-عا دەيٸن ارتتىرۋعا, سونداي-اق قوسىمشا 24 مىڭ جۇمىس ورنىن قۇرۋعا مٷمكٸندٸك بەرەدٸ.
ەلدٸ مەكەندەردٸ گازداندىرۋ دەڭگەيٸن ارتتىرۋ ماقساتىندا مەملەكەت باسشىسى كەمٸندە 1,7 مىڭ شاقىرىم جەلٸنٸ جاڭعىرتۋ مٸندەتٸن قويدى. بۇل 300 مىڭنان استام ازاماتقا كٶگٸلدٸر وتىندى قولجەتٸمدٸ ەتەدٸ. وسىعان بايلانىستى ٷكٸمەت بيىل جوسپارلانعان 46 ەلدٸ مەكەننٸڭ ورنىنا 87 ەلدٸ مەكەندٸ گازداندىرماق. وسىلايشا, 63 مىڭنان استام ادام جەدەلدەتٸلگەن شارالارمەن گازبەن قامتاماسىز ەتٸلەتٸن بولادى, ياعني قامتۋ ٸس جٷزٸندە 2 ەسەگە ۇلعايتىلدى. بۇل ماقساتتارعا 195 ملرد تەڭگە بٶلٸنەتٸن بولادى.
ٷكٸمەت باسشىسى بيىل 1 سەۋٸرگە دەيٸنگٸ مەرزٸمدە جوبالاردى قارجىلاندىرۋ كەستەسٸن ۋاقتىلى ۇسىنۋدى تاپسىردى. كەستە سونداي-اق جوبالاردىڭ ەرٸ قاراي ٸسكە اسىرىلۋىن كٷندەلٸكتٸ باقىلاۋدى دا كٶزدەيتٸن بولادى.
«بٸز پرەزيدەنتتٸڭ اۋقىمدى ينفراقۇرىلىمدىق باستامالارىنىڭ ۋاقتىلى ٸسكە اسىرىلۋىن قامتاماسىز ەتۋگە تيٸسپٸز. ەربٸر مينيسترگە جەنە ەكٸمگە, ۇلتتىق كومپانييالاردىڭ باسشىلىعىنا جۇمىستى كٷندەلٸكتٸ باقىلاۋعا الۋدى تاپسىرامىن. تۇرعىندار ناقتى ٶزگەرٸستەردٸ كٶرۋٸ قاجەت. تولىق قايتارىممەن جۇمىس ٸستەۋ جەنە جوعارى نەتيجە تيٸمدٸلٸكتٸڭ كٶرسەتكٸشٸ بولماق», — دەدٸ ولجاس بەكتەنوۆ.
سونىمەن قاتار كەڭەستە ٶڭدەۋ ٶنەركەسٸبٸن, ترانزيتتٸك دەلٸزدەردٸ, كەسٸپكەرلٸكتٸ جەنە IT-تەحنولوگييالاردى ودان ەرٸ دامىتۋ جٶنٸندەگٸ شارالار قارالدى. نەگٸزگٸ مٸندەت – جاڭا جۇمىس ورىندارى, وزىق تەحنولوگييالار مەن قۇزىرەتتەر ترانسفەرتٸ, ٸرٸ ٶندٸرٸستەردٸ لوكاليزاتسييالاۋ, جوعارى دەڭگەيدە ٶڭدەلگەن ٶنٸم شىعاراتىن كلاستەر قۇرۋ جەنە ت.ب. تٷرٸندەگٸ مۋلتيپليكاتيۆتٸك ەسەر بەرەتٸن جاڭا ينۆەستيتسييالىق جوبالار.
- بيىل جوسپارلانعان كەمٸندە 70 جوبا پايدالانۋعا بەرٸلمەك. ٶڭدەۋ ٶنەركەسٸبٸن دامىتۋ ماقساتىندا وتاندىق كەسٸپورىنداردىڭ جٷكتەمەسٸن ورتا ەسەپپەن 65%-عا دەيٸن ارتتىرۋ بويىنشا قوسىمشا شارالار ەزٸرلەنەتٸن بولادى.
- ترانزيتتٸك دەلٸزدەردٸ دامىتۋ جەنە كٶلٸكتٸڭ بارلىق تٷرٸمەن جٷك تاسىمالداۋ كٶلەمٸن ۇلعايتۋ ٷشٸن جاڭا تەمٸرجولداردىڭ, لوگيستيكالىق ورتالىقتار مەن قويمالاردىڭ قۇرىلىسى جالعاساتىن بولادى. مەسەلەن, جٷكتەردٸ تەمٸرجول كٶلٸگٸمەن تاسىمالداۋ كٶلەمٸن 450 ملن تونناعا دەيٸن, اۆتوموبيل كٶلٸگٸمەن تاسىمالداۋ كٶلەمٸن 316 ملن تونناعا دەيٸن, سونداي-اق ترانزيتتٸك تاسىمالداردى 30 ملن تونناعا دەيٸن, ونىڭ ٸشٸندە ترانسكاسپيي حالىقارالىق كٶلٸك باعىتى بويىنشا جٷكتەردٸ تاسىمالداۋ كٶلەمٸن 4,2 ملن تونناعا جەتكٸزۋ جوسپارلانىپ وتىر.
- ٷكٸمەت وتاندىق بيزنەستٸ قولداۋدى جالعاستىرادى. اٶك دامىتۋعا قوسىمشا 240 ملرد تەڭگە باعىتتالاتىن بولادى. شوب جوبالارىن سۋبسيدييالاۋعا 320 ملرد تەڭگەگە دەيٸن باعىتتالادى. ينۆەستورلار تارتۋ ماقساتىندا 12 ارنايى ەكونوميكالىق جەنە يندۋسترييالىق ايماق قاجەتتٸ ينفراقۇرىلىممەن قامتۋ جوسپارلانعان. بۇل ماقساتتارعا 160 ملرد تەڭگە باعىتتالادى. سونداي-اق «ٶنەركەسٸپتٸك يپوتەكا» تەتٸگٸ بويىنشا جالپى سوماسى 30 ملرد تەڭگەگە 8 جاڭا شاعىن ٶنەركەسٸپتٸك ايماقتى قۇرۋ جۇمىستارى جەدەلدەتٸلەتٸن بولادى.
- اقپارات جەنە بايلانىس قىزمەتتەرٸ سالاسىندا كەمٸندە 10% دەڭگەيٸنەن كەم ەمەس ٶسٸم كٷتٸلەدٸ جەنە ول IT-قىزمەتتەر ەكسپورتىن $600 ملن-عا دەيٸن ۇلعايتۋ ەسەبٸنەن قامتاماسىز ەتٸلەتٸن بولادى.
