Búgin Úkimet otyrysynda Ministrler kabineti quramyna jańadan qosylǵan QR Ekologiia, geologiia jáne tabiǵi resýrstar ministri qyzmetine taǵaiyndaldy Serikqali Brekeshev ant qabyldady, dep habarlaidy QazAqparat.
«Memleket basshysynyń Jarlyqtarymen Maǵzum Myrzaǵaliev Energetika ministri jáne Serikqali Brekeshev Ekologiia, geologiia jáne tabiǵi resýrstar ministri bolyp taǵaiyndaldy. Sizderdi quttyqtaimyn, jumysta tabys tileimiz», - degen Úkimet basshysy Asqar Mamin Serikqali Amanǵaliulynan ant qabyldaýyn surady.
Óz kezeginde jańa ministr «Qazaqstan Respýblikasynyń halqy men Prezidenti aldynda óz Otany - Qazaqstan Respýblikasynyń ekonomikalyq jáne rýhani damý isine barlyq kúsh jigerim men bilimimdi jumsaýǵa, memlekettiń Konstitýtsiiasy men zańdaryn qatań saqtaýǵa, ózimniń is áreketimde zańdylyq pen ádilettilik, azamattyq, ultaralyq jáne konfessiiaaralyq tatýlyq printsipterin ustanýǵa, Qazaqstan halqyna adal qyzmet etýge, óz elimniń memlekettiligi men dúniejúzilik qoǵamdastyqtaǵy bedelin nyǵaita beremin» dep saltanatty túrde ant berdi.
