Úkimet koronavirýspen kúresýge tolyqtai daiyn. Bul týraly «Habar 24» telearnasynyń tikelei efirinen QR Aqparat jáne qoǵamdyq damý ministri Dáýren Abaev aitty, dep habarlaidy "Ult aqparat".
«Ózderińiz jaqsy bilesizder, bul indet Qazaqstanǵa basqa eldermen salystyrǵanda keshirek keldi. Bul bizge koronavirýspen kúresken elderdiń tájiribesin zerdelep, tiimdi tusyn paidalanýǵa múmkindik berdi. Sondyqtan, Úkimet koronavirýspen kúresýge tolyqtai daiyn», - dedi ministr.
Osy rette ol elimizde engizilgen tótenshe jaǵdai men karantin bizneske teris áser etip, ekonomikaǵa úlken salmaq túsiretinin basa aitty.
«Sondyqtan memleket óziniń árbir azamatyna qamqorlyq kórsetedi. Bizneske járdem beredi. Alaida, virýsqa qarsy eń tiimdi, eń kúshti tásil bar. Ol – ár adamnyń oqshaýlanýy men jeke bas tazalyǵyn saqtaýy. Sondyqtan, ózimiz ben jaqyndarymyz úshin úide bolaiyq. Aman bolaiyq!», - dedi Dáýren Abaev.
