Qazaqstan Respýblikasy Premer-Ministriniń birinshi orynbasary Roman Skliar kirme joldardyń tarifteri boiynsha kezekti keńes ótkizdi, dep habarlaidy primeminister.kz.
Úkimet mundai qyzmetterdiń obektivti qunyn anyqtaý boiynsha júieli jumys júrgizýde. Osylaisha, taldaý barysynda ýákiletti organdar 86 tabiǵi monopoliia sýbektisin anyqtady, olar boiynsha kórsetilgen qyzmetter qunynyń senimdiligine qatysty tiisti sharalar qabyldanatyn bolady.
Qabyldanǵan sharalardyń nátijesinde birqatar sýbektilerdiń tarifteri tómendetildi. Mysaly, «Knaýf» (Almaty oblysyndaǵy qurylys materialdaryn óndirýshi) jáne «Qazhrom» AQ (Aqtóbe oblysyndaǵy ferrohrom óndirýshi) qyzmetteriniń quny vagon/km 2 117,98 teńgeden 147,3 teńgege deiin tómendetildi.
Bul sharalar tasymaldaý shyǵyndaryna jáne osy kompaniialardyń ónimderiniń sońǵy qunyna oń áser etedi.
Budan buryn habarlanǵandai, biylǵy 1 aqpanynan bastap elimizdiń birqatar oblysynda (Nur-Sultan, Almaty, Qyzylorda, Batys Qazaqstan, Qostanai, Almaty, Pavlodar, Aqmola, Qaraǵandy, Shyǵys Qazaqstan, Aqtóbe jáne Soltústik Qazaqstan oblystary) kirme joldardy usyný boiynsha qyzmet kórsetetin 21 sýbektiniń tarifteri tómendetildi.
Úkimet bul baǵyttaǵy jumysty odan ári jalǵastyratyn bolady.
