Úkimet músheleri Qazaqstannyń týristik salasyn damytýdyń 2023 jylǵa deiingi tujyrymdamasyn maquldady, dep habarlaidy QazAqparat.
Atalǵan qujatty tanystyrý barasynda Mádeniet jáne sport ministri Arystanbek Muhamediuly tujyrymdama halyqaralyq tájiribeni eskere otyryp jasalǵanyn atap ótti. Osy oraida júrgizilgen taldaý aiasynda týristik qyzmetti memlekettik qoldaýdyń birqatar eń tiimdi sharalary aiqyndaldy.
«Bul úlgilerdiń barlyǵyn elde týristik salany damytýmen qatar, memlekettik investitsiialardy qaitarý turǵysynda tabysty dep ataýǵa bolady. Qazaqstannyń mádeni saiasaty tujyrymdamasynyń basymdyqtaryn eskere otyryp, sondai-aq Ult josparynyń 86 qadamyn júzege asyrý aiasynda týristik klasterler qaita qaraldy, olardyń ataýlary ózgertilip, altynshy klaster qosyldy», - dedi ministr.
Atap aitqanda, Astana klasteri eki mádeni-týristik klasterge bólindi: «Astana - Eýraziia júregi» elordany qamtityn bolady.
«Tabiǵat pen kóshpeli mádeniettiń tutastyǵy» klasterine týristik qyzyǵýshylyq tanytatyn negizgi oryndar endi.
«Almaty - Qazaqstannyń erkin mádeni aimaǵy» klasterinde «Aqbulaq» halyqaralyq týristik ortalyǵy, «Jońǵar-Alataý» memlekettik ulttyq tabiǵi parki, «Kólsai kólderi» Memlekettik ulttyq tabiǵi parki, «Qara Dala» kýrorttyq aimaǵy eskerildi.
«Uly Jibek jolynyń jandanýy» klasterine Aqsý-Jabaǵyly memlekettik tabiǵi qoryǵy, «Qasqasý» taýly kýrorty qosyldy.
«Kaspii qaqpasy» klasterinde (Mańǵystaý oblysy men Batys Qazaqstan jáne Atyraý oblystarynyń bir bóligi) ázirlenetin negizgi týristik ónimderinde jaǵalaý týrizmi, mádeni týrizm jáne týrne qamtyldy.
«Altai injý-marjany» klastri (ShQO-nyń soltústik jáne shyǵys bólikteri) «Tabiǵattyń ǵajaiyp álemi» taqyrybynda usynylady jáne ekologiialyq týrizmniń ortalyǵy bolyp tabylady.
Atalǵan Tujyrymdamany eki kezeńde, iaǵni 2017-2019 jáne 2020-2023 jyldary júzege asyrý josparlanyp otyr.
Óz kezeginde Úkimet basshysy Baqytjan Saǵyntaev atalǵan qujat jetkilikti deńgeide pysyqtalǵanyn atap ótti.
«BUU Búkilálemdik týristik uiymnyń (IýNVTO) bas hatshysynyń Úkimet otyrysyna qatysýy elimizdiń osy salany damytýǵa qanshalyqty kóńil bólip otyrǵanyn baiqatyp otyr. Bul baǵytta birlese jumys isteýimiz kerek. Sondyqtan týrizm salasyndaǵy mindetterdi jalǵyz Mádeniet jáne sport ministrligine júktei salǵan durys bolmaidy», - dep túiindedi sózin Premer-Ministr.
