Úkimet otyrysynda Ekibastuz qalasyn áleýmettik-ekonomikalyq damytýdyń 2025 jylǵa deiingi keshendi jospary maquldandy, dep habarlaidy QazAqparat.
QR Premer-Ministri Asqar Mamin Ekibastuz qalasynyń búkil eldegi iri indýstriialyq jáne energetikalyq ortalyq ekenin atai kelip shahardy damytýdyń keshendi jospary maquldanatynyt aitty.
«Qalanyń energetika salasyndaǵy damý áleýeti joǵary. Keshendi jospardaǵy 114 is-sharany iske asyrý oblystyń damýyna jańa serpin beredi. Negizgi kapitalǵa investitsiialar bes esege ulǵaiady jáne 2025 jyly 737 mlrd teńgeni quraityn bolady.
Turǵyn úi infraqurylymy men basqa da infraqurylymdy, áleýmettik salany damytýǵa, ekologiialyq problemalardy sheshýge baǵyttalǵan jobalar iske asyrylady», - degen Úkimet basshysy keshendi jospar aiasynda temir jol mashina jasaý ónimderi óndirisi men metallýrgiia ónerkásibin qarqyndy damytýǵa basa nazar aýdarylatynyn atady.
«Bul qujatty maquldaimyz. Ulttyq ekonomika ministrligi men Pavlodar oblysynyń ákimdigi múddeli memlekettik organdarmen birge jospar is-sharalarynyń ýaqtyly oryndalýyn qamtamasyz etsin». – dedi Asqar Mamin.
