Foto: primeminister.kz
Premer-Ministr Álihan Smaiylov iri ónerkásiptik jáne infraqurylymdyq jobalardy iske asyrýǵa BJZQ-dan qarajat bólý múmkindigi týraly pikirin aitty. Atalǵan suraqqa Úkimet basshysy QR Parlamenti Senatynyń otyrysynan keiin ótken brifing barysynda jaýap berdi, dep habarlaidy "Ult aqparat" primeminister.kz saityna silteme jasap.
Premer-Ministrdiń aitýynsha, BJZQ-nyń negizgi mindeti – qazaqstandyqtardyń zeinetaqy aktivteriniń saqtalýyn jáne arttyra túsýin qamtamasyz etý. Ol úshin tiisti investitsiialyq strategiia qabyldanǵan.
«Salymshylardyń aktivterin kiris ákeletin qandai da bir quraldarǵa qarajat salý arqyly kóbeitýge bolady. Bul rette protsesti naryqtyq mólsherlemeler boiynsha jáne qaitarymdy negizde oryndaýǵa múmkindik bar. Qazirgi ýaqytta Úkimet qarjylandyrýdy qajet etetin indýstriialandyrý, kólik, infraqurylym salalaryndaǵy iri jobalardy qarastyrýda. Biz ártúrli kózderdi, sonyń ishinde BJZQ qarajatyn da qarastyryp otyrmyz», — dedi Álihan Smaiylov.
Úkimet basshysy bul másele buryn Ekonomikany jańǵyrtý máseleleri jónindegi memlekettik komissiiada talqylanyp, qoldaý tapqanyn aitty. Áńgime 1,5 trln teńge týraly bolyp otyr.
«Qazirgi ýaqytta biz Ulttyq bankpen birlesip, qarajat tartý sharttary boiynsha máselelerdi pysyqtap jatyrmyz. Úkimettiń boryshtyq mindettemelerin oryndaý aiasynda qarjy qaitarylatyn bolady», — dedi Premer-Ministr.
