Búgin QR Úkimetiniń otyrysynda Premer-Ministr Baqytjan Saǵyntaev bilim berýdi jáne ǵylymdy damytýdyń 2016–2019 jyldarǵa arnalǵan memlekettik baǵdarlamasynyń iske asyrylý barysyn qaraý qorytyndysy boiynsha jastardy kásibi bilim berýmen qamtý jáne tehnikalyq kadrlardy daiarlaý boiynsha birqatar naqty tapsyrmalar berdi, dep habarlaidy "Ult aqparat".
Máseleni qaraý qorytyndysyn shyǵara otyryp, Baqytjan Saǵyntaevtyń aitýynsha, memleket bilim alýǵa nietti barlyq azamatqa keńinen qoldaý kórsetip jatyr. Memleket basshysynyń tapsyrmasy boiynsha «Barshaǵa arnalǵan tegin kásiptik-tehnikalyq bilim berý» jobasy iske asyrylýda, onyń aiasynda ótken jyly memlekettik tapsyrys 75 myńnan 100 myń orynǵa deiin ulǵaityldy. Sonymen qatar, 14–24 jas aralyǵyndaǵy jastardy qamtý tómen deńgeide — 17% qalyp otyr. Kəsibi baǵdarlaý jəne tárbie jumystarynyń jetkiliksizdigi jastardyń jumyssyz júrýine, olardyń əleýmettik oqshaýlanýynyń ósýine ákeledi.
Osyǵan bailanysty Bilim jáne ǵylym ministrligine ákimdermen, «Atameken» UKP-men birlesip, jumyssyz júrgen jastardy kásiptik bilim berýmen, qysqa merzimdi oqytýmen, beiresmi jáne qosymsha bilim berýmen qamtý boiynsha júieli sharalardy qabyldaý tapsyryldy.
Ekinshiden, joǵary oqý oryndarynda jáne kolledjderde alatyn mamandyqtar ekonomika salalarynyń, ásirese tsifrlyq salanyń qajettilikterine únemi sáikes kele bermeidi. Kadrlardy daiarlaýǵa arnalǵan memlekettik tapsyrys kásipterge suranys negizinde qalyptasady, bul óńirlerge jumys saparlary kezinde ótken kezdesýlerde de rastaldy.
Osyǵan orai, Bilim jáne ǵylym, Eńbek jáne halyqty áleýmettik qorǵaý ministrlikterine ákimdermen birlesip, ekonomikanyń kadrlarǵa degen naqty qajettilikterin eskere otyryp, bilim berý baǵdarlamalaryn jetildirý boiynsha birlesken jumysty jalǵastyrý tapsyryldy.
B. Saǵyntaev halyqpen keri bailanysty retteýdi, oqýshylardyń kópshiliginiń, muǵalimderdiń jáne ata-analardyń múddelerin qozǵaityn jańalyqtar boiynsha túsindirý jumystaryn ýaqytyly júrgizýdi tapsyrdy. Bilim jáne ǵylym ministrligine jurtshylyqpen, óńirlermen keri bailanysty arttyrýdyń, sonyń ishinde Memlekettik baǵdarlamanyń kórsetkishterin oryndaýǵa monitoring júrgizýdiń tiimdi quraldaryn qurý tapsyryldy.
Baqylaý jumystary Premer-Ministrdiń orynbasary E. Dosaevqa júkteldi.
