QR Premer-Ministri Asqar Mamin kúndelikti jumys kestesimen bólisti, dep habarlaidy QazAqparat.
«Qai jerde bolsam da únemi sporttyq formada júremin. Ol jerde múmkindik bolsa, kúndelikti sportmen ainalysýǵa tyrysamyn», - dedi Úkimet basshysy BAQ ókilderimen kezdesýi barysynda.
Premer-Ministrdiń atap ótýinshe, kúndelikti saǵat 07:15-te QR Ishki ister ministri Erlan Turǵymbaevtyń baiandamasy aldyna keledi.
«Onyń baiandamasynan keiin Tótenshe jaǵdailar ministr Ilinmen áńgimelesemin. Ol da menen erterek kelip, aqparattardy alady. Bul rette ministrlerge, orynbasarlaryma munandai ýaqytta kel dep shart nemese ótinish jasaǵan emespin. Árqaisysy óz kestesine orai kelip, júktemesine bailanysty jumys isteidi», - dedi Asqar Mamin.
Úkimet basshysynyń jumys kestesi óte kesh aiaqtalady.
«Táýlik lezde óte shyǵady. Ótikeni, túrli kezdesýler men jiyndar óte kóp. Biraq, uzaqqa sozylatyn jiyndardy unatpaimyn. Eger baiqsańyzdar, Úkimet otyrystarymyz 1 saǵattan ary sozylmaidy. Úkimet otyrysynyń kúntártibindegi máselelerdi talqylaý úshin ary ketkende 1 saǵat qana bolady. Sondyqtan seisenbi kúni saǵat 9-dan 10-ǵa deiin Úkimet otyrysyn ótkizemiz. Odan keiin árkim óz jumysymen ainalysady. Bul ákimder úshin de óte yńǵaily. Olar óz kestelerine sai jumys isteýge múmkindik alady, áriptesterimizge de yńǵaily. Osyǵan orai olar ózderiniń kestelerin túzei alady. Barlyǵy erejeni biledi – 1 saǵattan aspaýy tiis, 45 minýt bolý. Al eger artyq áńgimesiz jyldamyraq aiaqtaýǵa múmkindik bolsa, onda tipti jaqsy. Sol sebepti bizdiń jumys formatymyz osyndai», - dedi Asqar Mamin.
