قر پرەمەر-مينيسترٸ اسقار مامين كٷندەلٸكتٸ جۇمىس كەستەسٸمەن بٶلٸستٸ, دەپ حابارلايدى قازاقپارات.
«قاي جەردە بولسام دا ٷنەمٸ سپورتتىق فورمادا جٷرەمٸن. ول جەردە مٷمكٸندٸك بولسا, كٷندەلٸكتٸ سپورتمەن اينالىسۋعا تىرىسامىن», - دەدٸ ٷكٸمەت باسشىسى باق ٶكٸلدەرٸمەن كەزدەسۋٸ بارىسىندا.
پرەمەر-مينيستردٸڭ اتاپ ٶتۋٸنشە, كٷندەلٸكتٸ ساعات 07:15-تە قر ٸشكٸ ٸستەر مينيسترٸ ەرلان تۇرعىمباەۆتىڭ بايانداماسى الدىنا كەلەدٸ.
«ونىڭ بايانداماسىنان كەيٸن تٶتەنشە جاعدايلار مينيستر يلينمەن ەڭگٸمەلەسەمٸن. ول دا مەنەن ەرتەرەك كەلٸپ, اقپاراتتاردى الادى. بۇل رەتتە مينيسترلەرگە, ورىنباسارلارىما مۇنانداي ۋاقىتتا كەل دەپ شارت نەمەسە ٶتٸنٸش جاساعان ەمەسپٸن. ەرقايسىسى ٶز كەستەسٸنە وراي كەلٸپ, جٷكتەمەسٸنە بايلانىستى جۇمىس ٸستەيدٸ», - دەدٸ اسقار مامين.
ٷكٸمەت باسشىسىنىڭ جۇمىس كەستەسٸ ٶتە كەش اياقتالادى.
«تەۋلٸك لەزدە ٶتە شىعادى. ٶتيكەنٸ, تٷرلٸ كەزدەسۋلەر مەن جيىندار ٶتە كٶپ. بٸراق, ۇزاققا سوزىلاتىن جيىنداردى ۇناتپايمىن. ەگەر بايقساڭىزدار, ٷكٸمەت وتىرىستارىمىز 1 ساعاتتان ارى سوزىلمايدى. ٷكٸمەت وتىرىسىنىڭ كٷنتەرتٸبٸندەگٸ مەسەلەلەردٸ تالقىلاۋ ٷشٸن ارى كەتكەندە 1 ساعات قانا بولادى. سوندىقتان سەيسەنبٸ كٷنٸ ساعات 9-دان 10-عا دەيٸن ٷكٸمەت وتىرىسىن ٶتكٸزەمٸز. ودان كەيٸن ەركٸم ٶز جۇمىسىمەن اينالىسادى. بۇل ەكٸمدەر ٷشٸن دە ٶتە ىڭعايلى. ولار ٶز كەستەلەرٸنە ساي جۇمىس ٸستەۋگە مٷمكٸندٸك الادى, ەرٸپتەستەرٸمٸزگە دە ىڭعايلى. وسىعان وراي ولار ٶزدەرٸنٸڭ كەستەلەرٸن تٷزەي الادى. بارلىعى ەرەجەنٸ بٸلەدٸ – 1 ساعاتتان اسپاۋى تيٸس, 45 مينۋت بولۋ. ال ەگەر ارتىق ەڭگٸمەسٸز جىلدامىراق اياقتاۋعا مٷمكٸندٸك بولسا, وندا تٸپتٸ جاقسى. سول سەبەپتٸ بٸزدٸڭ جۇمىس فورماتىمىز وسىنداي», - دەدٸ اسقار مامين.
