Memlekettik organdardyń birinshi basshylary men ákimder baǵany tejeý jumysyn kúsheitýge tiis. QR Premer-Ministri Asqar Mamin osyndai tapsyrma berdi, dep habarlaidy QazAqparat.
«Ekonomikany ártaraptandyrý, investitsiia tartý jáne jumys oryndaryn qurý jumysyn odan ári jalǵastyrý qajet. Sonymen birge, biylǵy tamyz aiynda infliatsiia ósti. Azyq-túlik taýarlary baǵasynyń ósýi infliatsiianyń ulǵaiýyna barynsha sebep bolyp otyr. Baǵanyń eń úlken ósimi Túrkistanda, Nur-Sultanda jáne Qyzylordada baiqalǵan. Memlekettik organdardyń birinshi basshylary men ákimder baǵany tejeý jumysyn kúsheitýge tiis», - dedi ol Úkimet otyrysynda.
Sondai-aq, Úkimet basshysy Saýda jáne integratsiia ministrligine «Infliatsiiaǵa qarsy áreket etýdiń keshendi sharalary» aiasynda áleýmettik mańyzy bar azyq-túliktiń baǵasyn tejeý jumysyn naqty úilestirýdi júktedi.
«Búkil óńirler áleýmettik-ekonomikalyq damýdyń josparlanǵan kórsetkishterine qol jetkizýi jáne Memleket basshysy belgilep bergen mindetterdiń tiimdi iske asyrylýyn qamtamasyz etýi qajet», - dep túiindedi Premer-Ministr.
