Ulttyq ekonomika ministrligi kóppáterli turǵyn úilerdegi jer salyǵyn alyp tastaý máselesin qarastyrsyn. Búgin Úkimettiń selektorlyq rejimdegi otyrysynda QR Premer-Ministri Baqytjan Saǵyntaev osyndai tapsyrma júktedi, dep habarlaidy QazAqparat tilshisi.
Baqytjan Saǵyntaev aldymen Aqparat jáne kommýnikatsiialar ministrligine múdeli memlekettik organdarmen birge memlekettik organdarda qazirgi biznes protsesterdi túbegeili qaita qaraý jónindegi sharalardy ázirleýdy tapsyrdy.
"Eń aldymen qaǵazdan bas tartyp, 2020 jyldan bastap tolyqtai elektrondy qujat ainalymyna kóshý qajet. Halyqqa júrgizilip jatqan reformalar týraly únem aqparat berip, keri bailanysty qamtamasyz etsin", - dedi ol.
Sonymen qatar Úkimet basshysy Ulttyq ekonomika ministrligine kóppáterli turǵyn úilerdegi jer salyǵyn alyp tastaý máselesin pysyqtaýdy tapsyrdy.
"Ulttyq ekonomika ministrligi Qarjy ministrligimen birge áleýmettik tólemderdi esepteý jáne eńbekaqy tóleý qorynan biryńǵai tólem túrinde ońailatý, jeke tulǵalar úshin jer salyǵy men ondaǵy qurylysqa salynatyn salyqty jyljymaityn múlikke salynatyn bir salyqqa qosý máselelerin pysyqtasyn. Kóppáterli turǵyn úilerde jer salyǵyn alyp tastaý máselesin qarasyn", - dedi Baqytjan Saǵyntaev.
