Úkimet basshysy Álihan Smaiylov Qazaqstandaǵy mektep formasynyń baǵasy týraly aitty, - dep habarlaidy "Ult aqparat".
"Sanaýly kúnderden soń jańa oqý jyly bastalady. Ata-analar balalarynyń mektep formasy men aiaq kiimderin, oqý quraldaryn túgendeý qamyna kiristi. Alaida olardyń baǵasy eń ózekti máseleniń biri bolyp otyr.
Álbette, baǵa saiasatyna álemdik logistikanyń qymbattaýy, shikizat pen qyzmetterdiń quny tikelei áser etedi. Biraq Úkimet pen ákimdikterde qazaqstandyqtar úshin qarjylyq shyǵyndardy jeńildetýge múmkindik beretin mehanizmder bar", - dep jazdy ol Facebook-te.
Sondai-aq, Premer-ministr olarǵa birqatar shuǵyl sharalar qabyldaý tapsyrylǵanyn atap ótti.
"Birinshiden, mektep formasyna baǵany ustap turý úshin Indýstriia ministrligi "Atameken" UKP-men jáne ákimdiktermen birlesip, Jeńil ónerkásip qaýymdastyǵynyń, iri tigin tsehtary men atelelerdiń ókilderimen kelissózder júrgizedi;
Ekinshiden, Saýda ministrligi "Atameken" UKP-men jáne ákimdiktermen birlesip, iri saýda ortalyqtarymen jáne bazarlarmen kantseliariialyq taýarlarǵa, sómkeler men aiaq kiimderge jáne basqa da kerek-jaraqtarǵa baǵalardy ustap turý máselelerin pysyqtaidy;
Úshinshiden, ákimdikter "Atameken" UKP-men birlesip, oblys jáne aýdan ortalyqtarynda, Nur-Sultan, Almaty, Shymkent qalalarynda tómendetilgen baǵamen mektep jármeńkelerin, sondai-aq jyljymaly mektep avtodúkenderiniń shalǵai aýyldarǵa shyǵýyn uiymdastyrady;
Tórtinshiden, ákimdikter az qamtylǵan otbasylarǵa memlekettik organdar men biznes-qurylymdardy ataýly kómek kórsetý úshin bekitip beretin bolady;
Besinshiden, búgingi tańda muqtaj otbasylardy qoldaý úshin qurylǵan "Jappai oqytý" qoryna óńirlerdiń bári birdei qarajat bólip otyrǵan joq. Sondyqtan ákimderge atalǵan jobany qajetti kólemde qarjylandyrýdy qamtamasyz etý tapsyryldy.
Qurmetti dostar, bilimdi urpaq - bizdiń basty qundylyǵymyz, sondyqtan oqýdyń barlyq kezeńinde olarǵa qolaily jaǵdai jasaý, qamqorlyqqa alyp, kóńil bólý - bizdiń negizgi mindetimiz. Osyǵan bailanysty memlekettik organdar men ákimdikter men belgilep bergen baǵyttar boiynsha jumys isteýi kerek. Bul másele Úkimettiń baqylaýynda bolady", - dedi ol.
Smaiylov elordadaǵy halyq kóp shoǵyrlanǵan Esil aýdanynda salynyp jatqan jalpy bilim beretin mekteptiń qurylysymen tanysqanyn, ol mektep elordadaǵy birneshe mektep máselesin birden sheshetinin atap ótti.
