Úkimet Ulttyq bankpen jáne jergilikti atqarýshy organdarmen birlese infliatsiiany tómendetý turǵysynda is-sharalar keshenin iske asyryp jatyr. Bul týraly búgin Úkimettiń keńeitilgen otyrysynda I jartyjyldyqtaǵy áleýmettik-ekonomikalyq damý qorytyndysyn talqylaý kezinde Premer-Ministr Álihan Smaiylov aitty, dep habarlaidy QazAqparat.
«Infliatsiianyń deńgeii jyldyq mánde 14,5 paiyzdy qurady. Onyń negizgi faktorlary retinde álemdegi qolaisyz geosaiasi jaǵdai, taýar naryqtaryndaǵy jahandyq baǵanyń ósýi, kórshi elderden keibir taýarlardy importtaýǵa tyiym salý boldy. Infliatsiiany tómendetý úshin Úkimet Ulttyq bankpen jáne jergilikti atqarýshy organdarmen birlesip, infliatsiiany baqylaý jáne tómendetý turǵysynda is-sharalar keshenin iske asyryp jatyr», - dedi Smaiylov.
Osy oraida ol bul qadamdar otandyq ónim óndirý kólemin ulǵaitýǵa, saqtaý men tasymaldaý tetikterin damytýǵa, baǵa belgileýdi baqylaýǵa, monopoliiaǵa qarsy jáne syrtqy saýdany retteýge baǵyttalǵanyn aitty.
«Sondai-aq, importtyq táýeldilikti azaitý boiynsha investitsiialyq jobalar júieli negizde iske asyrylyp jatyr. Azyq-túlik taýarlary máselesin júieli sheshý úshin Azyq-túlik qaýipsizdigin qamtamasyz etýdiń jospary qabyldanyp, iske asyrylyp otyr», - dedi Úkimet basshysy.
