Barlyq óńirde 20 zamanaýi meditsinalyq ortalyq salynady. Bul týraly Májiliste «Nur Otan» partiiasynyń sailaý aldyndaǵy mindettemelerin iske asyrýǵa arnalǵan talqylaý kezinde Premer-Ministr Asqar Mamin málim etti, dep habarlaidy "Ult aqparat".
«Jańa syn-qaterdi eskere otyryp, otandyq densaýlyq saqtaý salasyn bilikti kadrlarmen, zamanaýi jabdyqpen, diagnostika ári emdeý ádisterimen qamtamasyz etý boiynsha naqty qadamdar júzege asyrylady. Dárigerlerdiń eńbekaqysy 2023 jyly 2,5 ese, 561 myń teńgege deiin ósedi. Orta meditsinalyq personaldyń jalaqysy 210 myń teńgege deiin artady», - dedi A. Mamin.
Onyń aitýynsha, barlyq kózderden densaýlyq saqtaý salasyn qarjylandyrý JIÓ-den 5 paiyzǵa deiin kóteriledi.
«2025 jylǵa deiin barlyq óńirde 20 zamanaýi meditsinalyq ortalyq salynady. 2022 jyly Nur-Sultan men Almatyda eki ǵylymi-innovatsiialyq kópbeiindi klinika iske qosylady», - dedi Mamin.
