Úkimet basshysy Asqar Mamin qazirgi tańda ózin-ózi oqshaýlaýda. Bul týraly QR Premer-Ministri baspasóz qyzmetiniń jetekshisi Zarina Nurlanova Facebook-tegi paraqshasynda jazdy.
«12 maýsymda QR Premer-Ministri Asqar Mamin Jambyl oblysyna jumys saparymen baryp qaitty, onda Densaýlyq saqtaý ministri E. Birtanov ta boldy.
E. Birtanovtan COVID-19-ǵa alynǵan analizde virýstyń anyqtalýyna bailanysty, QR Premer-Ministri test tapsyrdy, onyń nátijesi — teris.
Aita ketken jón, jumys sapary barysynda Densaýlyq saqtaý ministri respiratorlyq maska kiip júrdi.
Úkimet basshysy Asqar Mamin qazirgi tańda ózin-ózi oqshaýlaýda, degenmen beinekonferentsiia bailanysy rejiminde kestege sáikes jumys isteýdi jalǵastyrady», delingen habarlamada.
