QR Úkimeti áleýmettik mańyzy bar azyq-túlik baǵasynyń ósýi sebepterin zerdelep jatyr. Bul týraly Senattyń jalpy otyrysynda Premer-Ministrdiń birinshi orynbasary - Qarjy ministri Álihan Smaiylov málim etti, dep habarlaidy "Ult aqparat".
«Shynymen de infliatsiia máselesi mańyzdy, sebebi halyqtyń ómir súrý deńgeiine, naqty aqshalai tabysqa tikelei áser etedi. Sondyqtan bul másele Úkimettiń turaqty baqylaýynda. Biz osy taqyrypty ai saiyn jergilikti atqarý organdardyń qatysýymen qarastyramyz. Infliatsiiaǵa toqtalatyn bolsaq, búginde jyldyq infliatsiia belgilengen dálizde tur jáne 5,3 paiyzdy qurady. Jyl sońyna deiin osy dálizde saqtalady dep oilaimyz. Iaǵni, 5,3-5,5 paiyz deńgeiinde qalýy múmkin», - dedi Á. Smaiylov senatorlar saýalyna jaýap bere otyryp.
Osy oraida ol Úkimet azyq-túlik baǵasynyń ósýi máselesin turaqty túrde zerdelep otyrǵanyn atap ótti.
«Áleýmettik mańyzy bar azyq-túlikke baǵanyń ósýi máselesin selektorlyq rejimde turaqty túrde qarastyramyz. Bul turǵyda baǵanyń ósýine yqpal etken faktorlarǵa taldaý jasalyp, tiisti qajetti sharalardy qabyldaimyz», - dedi Úkimet basshysynyń birinshi orynbasary.
