Áleýmettik mańyzy bar azyq-túlik taýarlarynyń baǵasyn turaqtandyrý jóninde is-sharalar keshenin qabyldaý qajet. Bul týraly búgin Úkimet otyrysynda Premer-Ministrdiń birinshi orynbasary Álihan Smaiylov aitty,dep habarlaidy QazAqparat.
«Jyl basynan beri áleýmettik mańyzy bar azyq-túlik taýarlaryna baǵanyń ósýi tirkeldi. Osyǵan bailanysty áleýmettik mańyzy bar azyq-túlik taýarlaryna baǵalardy turaqtandyrý jóninde is-sharalar keshenin qabyldaý qajet. Ol úshin 44 jedel is-sharadan turatyn jol kartasy ázirlendi», - dedi Álihan Smaiylov.
Onyń atap ótýinshe, is-sharalar eń aldymen, azyq-túlik óndirisin yntalandyrýǵa jáne olarmen ishki naryqty molyqtyrýǵa, tamaq kásiporyndary úshin shikizatty arzandatýǵa, taýar interventsiialaryn júrgizýge, naryqtyń josyqsyz qatysýshylaryna qatysty tekserýler júrgizýge baǵyttalǵan.
«Sondai-aq, qosymsha is-shara retinde ishki naryqqa jetkizý boiynsha memlekettik qoldaý is-sharalaryn alý kezinde áleýmettik mańyzy bar azyq-túlik taýarlaryn óndirýshileri úshin qarsy mindettemeler belgileý kózdeledi. Osylaisha, Jol kartasy boiynsha naqty oryndaýshylar men merzimder belgilendi. Jaýapty memlekettik organdar men óńirlerdiń ákimdikteri osy is-sharalardyń sapaly ári ýaqtyly oryndalýyn qamtamasyz etýi qajet», - dedi Úkimet basshysynyń birinshi orynbasary.
