Biyl Parlamentke «Jeke qosalqy sharýashylyqtar týraly» zań jobasy engiziledi. Bul týraly QR Premer-Ministriniń orynbasary Roman Skliar aitty, dep habarlaidy QazAqparat.
«Búginde elimizde shamamen 1,6 million jeke qosalqy sharýashylyqtar bar. Olar 2020 jyldyń qorytyndysynda 2,6 trln teńgeniń aýyl sharýashylyǵy ónimin óndirdi. Memleket basshysynyń tapsyrmasy boiynsha jyl sońyna deiin Parlamentke «Jeke qosalqy sharýashylyqtar týraly» zań jobasy engiziledi. Bul zań jobasynyń qabyldanýy memlekettik qoldaý is-sharalary aiasynda aýyl turǵyndaryna sýbsidiialar men jeńildetilgen nesielerge qol jetkizýge múmkindik beredi», - dedi ol Úkimet úiinde ótken baspasóz máslihatynda.
Sonymen qatar Roman Skliar aýyl sharýashylyǵy kooperatsiiasyn damytý arqyly jeke qosalqy sharýashylyqtardyń áleýetin paidalaný josparlanyp otyrǵandyǵyn aitty.
«Bul saq fermerlerdi azyq -túlik jáne jeńil ónerkásip qajettilikterimen bailanystyrýǵa múmkindik beredi. Kooperatsiia printsipi aýyldyq jerde shaǵyn taýarly óndiris básekelestigin arttyrady», - dedi vitse-premer.
