Foto: Ridofranz/iStock
Premer-ministrdiń orynbasary Altai Kólginov ataýly áleýmettik kómekti (AÁK) alyp tastaý máselesine pikir bildirdi, dep habarlady Halyq Uni saity.
«Qazir ondai sheshim qabyldanǵan joq. Depýtattardyń usynysy berildi. Endi ony birge talqylaimyz. Alaida muqtaj azamattardy kómeksiz qaldyrmaýymyz kerek. Biraq jumys istegisi keletin adamdarǵa kásibi qabileti men biliktiligin arttyryp, oqytý kerek bolsa, oqytyp, jańa jumys usynýymyz kerek», - dedi Altai Kólginov munai-gaz jasaý salasyn damytý forýmynyń kýlýarynda.
Premer-ministrdiń aitýynsha, jyl saiyn ataýly áleýmettik kómekti berý tásili jetildiriledi.
«Mysaly, birneshe jyl buryn az qamtylǵan otbasylarǵa (adam basyna) 6 myń teńge bolsa, qazir ol – 12 myń teńge. Maqsatymyz muqtaj azamattar qoldaý kórsetý, al jumys istei alamyn degen azamattarǵa jumys isteýge múmkindik jasaýymyz qajet. Osylaisha, biz memlekettik biýdjetke túsetin salmaqty azaityp, naqty muqtaj azamattarǵa (kómek) beremiz», - dedi ol.
Aita keteiik, buǵan deiin depýtattar kópbalaly analarǵa beriletin ataýly áleýmettik kómekti (AÁK) alyp tastaýdy usyndy.
«Qazaqstan Halyq partiiasynyń fraktsiiasy ataýly áleýmettik kómekti (AÁK) alyp tastaý qajet dep sanaidy. Óitkeni ony alý protsesi kúrdeli jáne qorlaý túrinde júzege asyrylady. AÁK-ge úmitker bolý úshin kópbalaly, jumys istemeitin analarǵa júzdegen synaqtan ótý kerek. Ádette áielder biýrokratiia men memlekettik organdardyń áýre-sarsańynan salyn sýǵa jiberedi. AÁK-ti alyp tastaý eń jaqsy sheshim bolmaq», - degen edi depýtat Gaýhar Tanasheva.
