Foto: Úkimet
Qarajat kólik shyǵystaryn sýbsidiialaýdyń qoldanystaǵy baǵdarlamasy boiynsha memlekettiń mindettemelerin tolyq oryndaýǵa, sondai-aq prioritetti sheteldik naryqtarǵa jetkizýdi odan ári yntalandyrýǵa baǵyttalady, dep habarlaidy Ult.kz.
Qosymsha qarjylandyrý qajettigi dándi daqyldardyń joǵary ónimdiligi men sheteldik satyp alýshylar tarapynan qazaqstandyq astyqqa degen suranystyń artýyna bailanysty týyndap otyr.
Biyl kólik shyǵyndaryn sýbsidiialaýǵa Úkimet rezervinen 31mlrd teńge bólindi. Bul qarajat qazaqstandyq ónimniń jańa eksporttyq baǵyttarǵa shyǵýyn, buryn bolǵan naryqtarǵa qaitadan qol jetkizýdi jáne balamaly logistikalyq marshrýttar boiynsha alys shet elderge eksport kólemin ulǵaitýdy qamtamasyz etti. Júzege asyrylǵan sharalardyń qorytyndysynda jańa jáne qalpyna keltirilgen naryqtarǵa astyq jetkizý kólemi 2,5 mln tonnadan asty.
Buǵan deiin 2026 jylǵa arnalǵan kólik shyǵystaryn sýbsidiialaý baǵdarlamasyn keminde 30 mlrd teńge kóleminde qarjylandyra otyryp uzartý týraly sheshim qabyldanǵan bolatyn.
Qazaqstan Respýblikasynyń Úkimeti agrarlyq sektordy damytý, eksporttyq áleýetti keńeitý jáne otandyq óndirýshilerdi qoldaý jónindegi dáiekti saiasatty odan ári jalǵastyra beredi.
