QR Densaýlyq saqtaý ministri Aleksei Tsoi Ashyq jobasy kóshbasshylaryna birqatar jeńildik beriletindigin aitty, dep habarlaidy "Ult aqparat".
«Jobany engizýdiń oń áserin eskere otyryp, «Atameken» UKP-men birge joba kóshbasshylaryn yntalandyrý kriteriii ázirlendi. Atap aitqanda, joba kóshbasshylary qyzmet túrine bailanysty 2 aptanyń ishinde nysandaǵy tirkeý sany boiynsha anyqtalady», - dedi ministr búgin Úkimet otyrysynda.
Onyń atap ótýinshe, bul ádis elordanyń jáne respýblikalyq mańyzy bar qalalardyń erekshelikterin eskeretin bolady.
«Ashyq jobasynyń kóshbasshysy mártebesin alǵan qatysýshylar jumys ýaqyty men sharttary boiynsha qosymsha jeńildikter alady. Sonymen qatar Ashyq jobasyna týristik sala nysandaryn, bilim ortalyqtaryn, balalardy saýyqtyrý uiymdaryn qosý máselesi pysyqtalyp jatyr», - dedi ol.
