QR Premer-Ministri Asqar Maminniń tóraǵalyǵymen ótken keńeste Memleket basshysy Qasym-Jomart Toqaevtyń QR Prezidenti janyndaǵy Tótenshe jaǵdai rejimin qamtamasyz etý jónindegi Memlekettik komissiianyń keńeitilgen otyrysynda bergen tapsyrmalaryn oryndaý sharalary qaraldy, dep habarlaidy primeminister.kz.
Premer-Ministrdiń birinshi orynbasary - Qarjy ministri Á. Smaiylov, Ulttyq bank tóraǵasy E. Dosaev, Qarjy naryǵyn retteý jáne damytý agenttiginiń tóraiymy M. Ábilqasymova, ulttyq ekonomika ministri R. Dálenov, densaýlyq saqtaý ministri E. Birtanov, eńbek jáne halyqty áleýmettik qorǵaý ministri B. Nurymbetov jáne memlekettik organdardyń basqa da basshylary baiandama jasady.
Keńeske qatysýshylar 2020 jylǵa arnalǵan biýdjet parametrlerin jáne memlekettik satyp alý salasynda qabyldanyp jatqan sharalardy talqylady, onyń ishinde otandyq taýar óndirýshilerdiń tizilimin jasaý jáne arnaiy memlekettik satyp alý rejimin engizý, qamtamasyz etý jarnasyn nemese bank kepildemesin usyný qajettigin alyp tastaý boldy.
Valiýta naryǵyn turaqtandyrý, iskerlik belsendilikti salyqtyq yntalandyrý, nesieler boiynsha negizgi qaryz somasyn jáne syiaqy tóleýdi toqtata turý, jumys berýshilerdi, ásirese, ShOB-ty qoldaý, azyq-túlik qaýipsizdigi men baǵa turaqtylyǵyn qamtamasyz etý, tótenshe jaǵdaidyń engizilýine bailanysty tabysynan aiyrylǵan tulǵalarǵa áleýmettik tólem jasaý, halyqtyń áleýmettik áljýaz toptary úshin tegin azyq-túlik jiyntyǵyn úlestirý, jumyspen qamtýdy qamtamasyz etý, sondai-aq karantin kezeńinde kommýnaldyq qyzmetterge tólemderdi tómendetý sharalary qarastyryldy.
Test júielerimen, ókpeni jasandy tynys aldyrý qurylǵylarymen, dári-dármekpen jáne jeke qorǵanysh quraldarymen qamtamasyz etý máselesine erekshe kóńil bólindi.
Premer-Ministr Úkimettiń qysqa merzim ishinde 2020-2024 jyldarǵa arnalǵan eldiń áleýmettik-ekonomikalyq damý boljamyna jáne 2020-2022 jyldarǵa arnalǵan respýblikalyq biýdjetke naqtylaý engizetinin atap ótti.
Úkimet basshysy Memleket basshysynyń tapsyrmalaryn tiimdi ári jedel iske asyrý boiynsha naqty sharalardy qabyldaýdy tapsyrdy.
